മോഷ്ടാവിന് എട്ടിന്റെ പണി

മൊബൈൽ ഫോൺ മോഷ്ടിക്കപ്പെട്ടാലോ നഷ്ടപ്പെട്ടാലോ അടിയന്തരമായി ചെയ്യേണ്ട കാര്യങ്ങൾ

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

നമ്മുടെ മൊബൈൽ ഫോൺ നഷ്ടപ്പെട്ടു പോയാൽ കിട്ടുന്നവർ ദുരുപയോഗം ചെയ്യുമോ എന്ന പേടി പലർക്കുമുണ്ട്. മൊബൈൽ നഷ്ടപ്പെടുകയോ മോഷ്ടിക്കപ്പെടുകയോ ചെയ്താൽ ഉടൻ ചെയ്യേണ്ട കാര്യങ്ങൾ എന്തെല്ലാമെന്നു മനസ്സിലാക്കാം.

മൊബൈൽ ഫോൺ നഷ്ടപ്പെട്ടു എന്ന് ഉറപ്പായാൽ തൊട്ടടുത്തുള്ള പൊലീസ് സ്റ്റേഷനിൽ നിർബന്ധമായും പരാതി നൽകണം. സ്റ്റേഷനിൽ നിന്നു പരാതി നൽകിയതിന്റെ അക്നോളജ്മെന്റ് റെസിപ്റ്റ് വാങ്ങാൻ മറക്കരുത്. ഇനിയാണു ഫോൺ “പൂട്ടാനുള്ള ജോലികൾ ആരംഭിക്കുന്നത്.

പഠിക്കാം പടിപടിയായി

നമ്മുടെ ഫോണിലോ കംപ്യൂട്ടറിലോ CEIR.GOV.IN എന്ന വെബ്സൈറ്റ് ഓപ്പൺ ചെയ്യുക. കേന്ദ്രസർക്കാരിന്റെ ഡിപാർട്മെന്റ് ഓഫ് ടെലികമ്യൂണിക്കേഷൻസിനു കീഴിൽ വരുന്ന ഉപഭോക്തൃ സേവന സംവിധാനമാണിത്. ഇതിലെ ബ്ലോക് സ്റ്റോളൻ ഓർ ലോസ്റ്റ് മൊബൈൽ (Block stolen / Lost mobile) എന്ന ലിങ്കിൽ ക്ലിക്ക് ചെയ്യണം.