അന്വേഷണത്തിന് പ്രത്യേക സംഘം

2019ൽ സംസ്ഥാന സർക്കാരിനു സമർപ്പിച്ച റിപ്പോർട്ട് വിവരാവകാശ കമ്മിഷന്റെ ഇടപെടലോടെയാണ് വെളിച്ചം കണ്ടത്

ഹേമാ കമ്മിറ്റി റിപ്പോർട്ടിനു പിന്നാലെ സിനിമാ മേഖലയിലെ ഞെട്ടിപ്പിക്കുന്ന പീഡന വിവരങ്ങൾ വരെ പുറത്തു വന്നിട്ടും കേസെടുക്കാതിരുന്ന സം സ്ഥാന സർക്കാർ ഒടുവിൽ അന്വേഷണസംഘത്തെ നിയമിച്ചു. ഭരണപക്ഷത്തു നിന്നുൾപ്പെടെ ഈ വി ഷയത്തിൽ വിമർശനങ്ങൾ നേരിടേണ്ടി വന്നതോടെയാണ് സർക്കാർ പുതിയ തീരുമാനമെടുത്തത്.

2019ൽ സംസ്ഥാന സർക്കാരിനു സമർപ്പിച്ച റിപ്പോർട്ട് വിവരാവകാശ കമ്മിഷന്റെ ഇടപെടലോടെയാണ് വെളിച്ചം കണ്ടത്. സ്വകാര്യതയെ ഹനിക്കുന്ന ചില ഭാഗങ്ങൾ ഒഴിവാക്കിക്കൊണ്ടായിരുന്നു റിപ്പോർട്ട് പുറത്തുവിട്ടത്. എന്നാൽ അതിലും ഞെട്ടിക്കുന്നവെളിപ്പെടുത്തലുകളാണ് പിന്നീട് പുറംലോകം അറിഞ്ഞത്. ആ വെളിപ്പെടുത്തലുകളിൽ സിനിമാ മേഖലയിലെ പ്രമുഖരായ രണ്ടുപേർ അവർ വഹിച്ചിരുന്ന ഔദ്യോഗിക പദവികളും രാജിവച്ചു. താരസംഘടനയായ അമ്മയുടെ ജനറൽ സെക്രട്ടറി സ്ഥാനത്തു നിന്നും സിദ്ദിഖും ചലച്ചിത്ര അക്കാഡമി ചെയർമാൻ സ്ഥാനത്തു നിന്നും രഞ്ജിത്തുമാണ് രാജിവച്ചത്.