જોન અબ્રાહમની 'ધ ડિપ્લોમેટ' કેવી છે?

આ ફિલ્મ માટે જોન અબ્રાહમના ખાસ વખાણ કરવા પડે તેમ છે, કારણ કે તે માત્ર મુખ્ય ભૂમિકા ભજવે છે, એટલું જ નહીં, પણ આ ફિલ્મના પ્રોડ્યુસર પણ છે. તેમને ખબર છે કે તેઓ એક ઍક્ટર તરીકે મર્યાદિત છે, એટલે તેઓ પ્રોડ્યુસર તરીકે જુદી અને અસરકારક ફિલ્મો બનાવે છે જે તેમની ક્રિએટિવ ભૂખને સંતોષે.

- પાર્થ દવે

૨૦૧૭માં ઉઝ્મા અહમદ નામની ભારતીય યુવતી પોતાના પ્રેમ” તાહિરને મળવા માટે પાકિસ્તાન જાય છે, પરંતુ ત્યાં પહોંચ્યા બાદ તેને ખબર પડે છે કે તાહિર અગાઉથી જ પરણિત છે અને તેને બાળકો પણ છે. તાહિરે ઉમાને ખોટાં વચનો આપી પાકિસ્તાન બોલાવી હતી. તાહિર તેને બંદૂકની નોક પર લગ્ન કરવા મજબૂર કરે છે અને તેને પાકિસ્તાનના બુનેરમાં કેદ રાખે છે. તેના પર શારીરિક અને માનસિક અત્યાચાર થાય છે. કોઈક રીતે ઉઝ્મા બહાનું બનાવીને પાકિસ્તાનમાં આવેલા ઇન્ડિયન હાઈ કમિશનની ઓફિસ સુધી પહોંચી જાય છે. પછી તપાસ શરૂ થાય છે કે ઉઝ્માની વાર્તા સાચી છે કે નહીં. આ કેસની જવાબદારી ડેપ્યુટી હાઈ કમિશનર જે.પી. સિંહ લે છે, જે ઉઝ્માના કેસની તપાસ કરે છે અને તેને ભારત પરત લાવવામાં સફળ થાય છે. આ સમગ્ર પ્રક્રિયામાં સુષ્મા સ્વરાજ પણ ઉજ્જ્ઞાની સંપૂર્ણ મદદ કરે છે.