2022ને વિદાયઃ 2023નું દુનિયાભરમાં સ્વાગત

ભારત સહિત સમગ્ર દુનિયામાં પ્રવાસી સ્થળો હાઉસફુલ રહ્યાઃ આતશબાજી સાથે નવા વર્ષનું સ્વાગત- હવે આગામી ત્રણ દિવસ જોરદાર જશ્ન ચાલશે

નવી દિલ્હી

વર્ષ 2022ને શનિવારના દિવસે જુદી જુદી સુખદ અને દુખદ યાદો સાથે વિદાય આપવામાં આવી હતી. જ્યારે 2023નું ભવ્ય રીતે અને ઉત્સાહ વચ્ચે સ્વાગત કરવામાં આવ્યુ હતુ. ચીનમાં કોરોના ફરીવાર ખતરનાક સ્વરૂપમાં છે ત્યારે દુનિયાના દેશો પણ સાવધાન છે જેથી સાવધાનીપૂર્વક ફરીવાર ઉજવણી કરવામાં આવી હતી. નવા વર્ષના સ્વાગત માટે તમામ લોકો પહેલાથી જ તૈયાર હતા. નવા વર્ષનુ સ્વાગત શાનદાર આતશબાજી અને વિવિધ પાર્ટીઓ દ્વારા કરવામાં આવ્યુ હતુ. હવે આગામી ત્રણ દિવસ સુધી સમગ્ર દુનિયાના દેશો નવા વર્ષની ઉજવણીના જશ્નમાં ડુબેલા રહેશે.