വൈഷ്ണവിയുടെ 'പൊൻമാൻ

പൊൻമാനിലൂടെ മലയാളത്തിനു കിട്ടിയ വൈഷ്ണവി കല്യാണി

- അഞ്ജലി അനിൽകുമാർ

അമ്മ ഒരു നടിയാണ്

അമ്മ വിജയകല നാടകനടിയായിരുന്നു. കുട്ടിക്കാലം മുതൽ കണ്ടു വളർന്നതു നാടകവേദികളാണ്. അമ്മയുടെ അച്ഛൻ വിജയരാജനു സ്വന്തമായി സമിതിയുണ്ടായിരുന്നു, കൊല്ലം ആവണി. അമ്മ ബാലെയിൽ പ്രായമുള്ള സ്ത്രീയായി എത്തുന്നതും നിമിഷങ്ങൾ ക്കുള്ളിൽ ദേവിയാകുന്നതുമൊക്കെ ഞാൻ കൗതുകത്തോടെ നോക്കിയിരിക്കും. അന്നു മനസ്സിൽ തോന്നിയ ആഗ്രഹമാണ് എനിക്കും ഇതുപോലെ അഭിനയിക്കാൻ സാധിച്ചിരുന്നെങ്കിൽ എന്ന്. പൊൻമാനാണ് ഏറ്റവും പുതിയ വിശേഷം. ജി. ആർ. ഇന്ദുഗോപന്റെ കഥയെ അടിസ്ഥാനമാക്കിയുള്ള സിനിമയാണെന്നറിഞ്ഞപ്പോഴെ വലിയ ആവേശമായി. അങ്ങനെയാണ് ഓഡിഷനിൽ പങ്കെടുത്തത്. കൊല്ലം മുഖത്തലയാണു സ്വദേശം. പൊൻമാന്റെ കഥാപശ്ചാത്തലവും കൊല്ലമായിരുന്നു.

കൊല്ലത്തിന്റെ തനതായ സംസാരശൈലിയും എന്റെ ചിരിയുമാണു നായികയുടെ നാത്തൂനായ ക്രിസോണിയ ആകാൻ സഹായിച്ചതെന്നു സംവിധായകൻ ജ്യോതിഷ് ചേട്ടൻ പറഞ്ഞിട്ടുണ്ട്.

ഹൃദയം സമ്മാനിച്ച ജീവിതം