അഫ്ഗാൻ സ്ത്രീകൾ താലിബാനിസത്തെ വായിക്കുന്നു

അങ്ങനെയെങ്കിൽ ചോദ്യമിതാണ്. നിങ്ങൾ തുടങ്ങി വെച്ചിടത്തേക്കാൾ പരിതാപകരമായ അവസ്ഥയിൽ അഫ്ഗാനികളെ ഇരുപതു വർഷങ്ങൾക്ക് ശേഷം വിട്ടു പോകേണ്ടി വന്ന ഗതികേട് എങ്ങനെയുണ്ടായി? ഏതൊരു നാട്ടിലെയും പോലെ അധിനിവേശത്ത തുരത്താൻ സാധാരണ പൗരന്മാരും അവരുടെ മുന്നേറ്റങ്ങളും ഉണ്ടാകുന്നതിൽ നിന്ന് വ്യത്യസ്തമായി തങ്ങൾ അടിച്ചമർത്താൻ വന്ന താലിബാനികളിൽത്തന്നെ ആ നിയോഗം വന്നു ചേർന്നതെങ്ങനെയാണ്? പിന്മാറും മുമ്പ് വിദേശത്തുവെച്ച് അവരുമൊത്തുണ്ടാക്കിയ ഉടമ്പടിയിൽ സ്ത്രീ അവസ്ഥകൾ സംരക്ഷിക്കപ്പെടാൻ വേണ്ടി എന്തു നിബന്ധനകളാണ് നിങ്ങൾ ചേർത്തത്?

Bleeding Afghanistan എന്ന ഗ്രന്ഥരചനയ്ക്കായി സഹചാരി ജെയിംസ് ഇൻഗാൾസുമൊത്ത് 2005-ൽ അഫ്ഗാനിലെത്തിയ സോനാലി കോൽഹാത്കർ എന്ന അമേരിക്കക്കാരി പുതിയ സങ്കീർണ്ണ പശ്ചാത്തലത്തിലിരുന്ന് പഴയ അനുഭവങ്ങൾ ഓർത്തെടുക്കുകയാണ്.