ധനസ്ഥിരതയ് കാര്യക്ഷമമായ നടപടികൾ വേണം: ഉദയ് കൊട്ടക്

ന്യൂഡൽഹി: വരുമാനം ഇടിഞ്ഞതും ചെലവ് ഏറിയതും കാരണം രാജ്യത്തിന്റെ ധനക്കമ്മി ഭാവിയിൽ വർദ്ധിക്കുമെന്നതിനാൽ സമ്പദ് വ്യവസ്ഥയുടെ സ്ഥിരത നിലനിർത്താൻ കാര്യക്ഷമമായ നടപടികൾ വേണമെന്ന് പുതുതായി സ്ഥാനമേറ്റ സിഐഐ പ്രസിഡന്റ് ഉദയ് കൊട്ടക്.

റേറ്റിംഗുകൾ താഴുന്നത് അവഗണിക്കേണ്ട കാര്യമല്ലെന്നും അദ്ദേഹം പറഞ്ഞു.

കോവിഡ് ബാധയ്ക്ക് മുൻപ് കണക്കാക്കിയ 6.5 ശതമാനത്തിൽ നിന്ന് ധനക്കമ്മി ജിഡിപിയുടെ 11.5 ശതമാനം വരെ ഉയരുമെന്നാണ് വിശകലനവിദഗ്ധരുടെ കണക്ക്. 10 ട്രില്യൺ രൂപയുടെ നഷ്ടത്തിന് തുല്യമാണിത് -സിഐഐ സംഘടിപ്പിച്ച വെർച്വൽ പത്രസമ്മേളനത്തിൽ ഉദയ് കൊട്ടക് പറഞ്ഞു.