மகளிர் மற்றும் கொரோனா மருத்துவமனையில் அமைச்சர் மல்லாடி கிருஷ்ணாராவ் இன்று ஆய்வு

சுகாதார துறை அமைச்சர் மல்லாடி கிருஷ்ணாராவ் புதுச்சேரி ராஜீவ் காந்தி அரசு மகளிர் மற்றும் குழந்தைகள் மருத்துவமனையில் இன்று காலை நேரில் சென்று ஆய்வு செய்தார். அப்போது, மருத்துவமனை வளாகத்தில் அமர்ந்து இருந்த நோயாளிகள் மற்றும் பார்வையாளர்களை சமூக இடைவெளியைக் கட்டாயமாக பின்பற்ற வேண்டும் என்று அறிவுறுத்தினார்.

புதுச்சேரி, ஜூன் 11

மேலும் மருத்துவமனைக்கு வரும் அனைவரும் கட்டாயமாக முகக்கவசம் அணியுமாறும் வலியுறுத்தினார். பின்னர் சிகிச்சைக்கு வந்த நோயாளிகளிடம் அவர்கள் எந்த ஊரைச் சேர்ந்தவர்கள் என்றும் மருத்துவமனையில் அளிக்கப்படும் சிகிச்சை முறைகள் குறித்தும் கேட்டறிந்தார்.