പരീക്ഷാ ചൂടിൽ ഉരുകേണ്ട

പരീക്ഷാക്കാലം അടുത്തുവരികയാണ്. ഇനിയുള്ള ദിവസങ്ങൾ ചൂടുപിടിച്ച പഠനത്തിന്റെയും പരീക്ഷാപ്പേടിയുടേയും ആകുലതകളുടേയും ദിവസങ്ങളായിരിക്കും ഓരോ വിദ്യാർത്ഥികൾക്കും. ആശങ്കകളൊഴിവാക്കിയാവട്ടെ ഇത്തവണത്തെ പഠനം.

വേനൽ ചൂടിനെ കടത്തി വെട്ടുന്ന പരീക്ഷാക്കാലം എത്തിക്കഴിഞ്ഞു. കുട്ടികൾക്കും രക്ഷകർത്താക്കൾക്കും ടെൻഷൻ കൂടുന്ന കാലം. പരീക്ഷാക്കാലത്ത് ഉറക്കമളച്ചും ഭക്ഷണം വെടിഞ്ഞും പഠിക്കുന്നത് കുട്ടികളിൽ പലരുടേയും ശീലമാണ്. എന്നാൽ ഇത് നല്ല ശീലമല്ല. പഠനത്തോടൊപ്പം പ്രധാനമാണ് ശരീരത്തിന്റെയും മനസിന്റെയും ആരോഗ്യം.