ബുള്ളറ്റ് ആലി

64 വർഷമായി ബുള്ളറ്റ് സർവീസ് ചെയ്യുന്ന കോഴിക്കോടിന്റെ സ്വന്തം ബുള്ളറ്റ് മെക്കാനിക്

- അബ്ദുള്ള കടാലകം

ഒൻപതു പതിറ്റാണ്ട് പിന്നിട്ടിട്ടും ഇന്ത്യൻ നിരത്തുകളിൽ രാജകീയ പ്രഭാവത്തോടെ വാഴുന്ന ഇരുചക്രവാഹ നമാണ് റോയൽ എൻഫീൽഡ് ബുള്ളറ്റ്. തലമുറകളിലേക്ക് കൈമാറിവന്ന വാഹന ബാൻഡ്. എക്കാലത്തും യുവാക്കൾക്കിടയിലെ നിത്യവസന്തമാണ് ബുള്ളറ്റ്.

റോയൽ എൻഫീൽഡ് നിരയിൽ ഒട്ടേറെ പുതിയ മോഡലുകൾ വന്നെങ്കിലും പഴയ മോഡൽ ബുള്ളറ്റിന്റെ രാജകീയ പ്രൗഢി ഇന്നും തനിമയോടെ നിലനിൽക്കുന്നു. ആംപിയർ സെറ്റ് ചെയ്തു കിക്ക റിൽ മെല്ലെയൊന്ന് കാൽ കൊടുത്താൽ ഡഗ് ഡഗ് എന്ന ശബ്ദത്തോടെ മിടിച്ചു തുടങ്ങും പഴയ മോഡൽ ബുള്ളറ്റിന്റെ ഹൃദയം. അതു കേൾക്കാൻ തന്നെ എന്ത് ഇമ്പമാണ്.