ചൈനീസ് സ്പ്രിന്റർ

നിയോ റെട്രോ കഫേറേസർ മോഡലുമായി ചൈനീസ് വാഹന നിർമാതാവ് സോണ്ടസ്

- എൻ. എം. മാത്യു

‘സോണ്ടസ്' എന്ന പേര് ഇന്ത്യൻ വാഹന വിപണിയിൽ കേൾക്കുന്നത് ഗ്രേറ്റർ നോയിഡയിൽ ഈവർഷം ആദ്യം നടന്ന ഓട്ടോ എക്സ്പോയിലൂടെയാണ്. സോണ്ടസ് പവിലിയനിൽ അണി നിരന്ന വമ്പൻ താരങ്ങളെ കാണാൻ യുവാക്കളുടെ ഇടിയായിരുന്നു. ബെനലിയെയും, കീവേ മോട്ടോഴ്സിനെയും മോട്ടോ മോറിനിയെയുമൊക്കെ ഇന്ത്യയിലേക്ക് കൂട്ടി കൊണ്ടുവന്ന ആദിശ്വർ ഓട്ടോ ഗ്രൂപ്പാണ് ചൈനയിലെ വമ്പനായ സോണ്ടസിനെ ഇന്ത്യൻ മണ്ണിലേക്ക് എത്തിച്ചത്.

ചൈനയിലെ ഗുവാങ്ഡോങ് സൈക്കിൾ ടെക്നോ ടായോ മോട്ടർ ളജി 2003ൽ ആരംഭിച്ച ബാൻഡാണ് സോണ്ടസ്. യുകെ, ഇറ്റലി, ഫ്രാൻസ്, ബെൽജിയം ബ്രസീൽ എന്നിങ്ങനെ 55 രാജ്യങ്ങളിൽ സോണ്ടസ് ബൈക്കുകൾ വിൽക്കുന്നുണ്ട്.

നിലവിൽ 5 മോഡലുകളാണ് സോണ്ടസ് ഇന്ത്യൻ വിപണി യിലെത്തിച്ചിരിക്കുന്നത്. അതിൽ നിയോ റെട്രോ കഫേറേസർ മോഡലായ ജികെ 350യാണ് നമ്മുടെ മുന്നിലുള്ളത്. 350-400 സിസി നിരയിലെ മസിലൻമാരെ ചുള്ളൻ ലുക്കിൽ കീഴടക്കാനെത്തിയ ചൈനീസ് താരത്തിന്റെ മേന്മകളെന്തൊക്കെയെന്നു നോക്കാം.

മസിൽ ലുക്ക്

മൊത്തത്തിൽ വലുപ്പക്കുറവെങ്കിലും മസിൽ ഉരുട്ടിപ്പെരുപ്പിച്ചു നിൽക്കുന്ന ചുള്ളൻ ലുക്കാണ് ജികെ 350ന്. ആദ്യകാഴ്ചയിൽ ഇതൊരു സിംഗിൾ സിലിണ്ടർ എൻജിനുള്ള വാഹനമാണെന്നു പറയില്ല. കുറഞ്ഞതൊരു ട്വിൻസിലിണ്ടർ മോഡൽ എന്നു പറയും. ഷൂട്ടിനിടയിൽ വാഹനം കണ്ട് ഇതേതു മോഡൽ എന്നു ഡൗട്ടടിച്ചു വന്നവരോട് ഇത് ചൈനീസ് കമ്പനിയാണെന്നും സിംഗിൾ സിലിണ്ടർ മോഡലാണന്നും പറഞ്ഞപ്പോൾ അമ്പരപ്പാണ് മുഖത്തു കണ്ടത്. കിടു ലുക്കാണല്ലോ' എന്നു പറഞ്ഞാണ് ഫ്രീക്കൻമാർ പോയത്.