മുലയൂട്ടുന്ന അമ്മമാരുടെ ആഹാരക്രമവും ശ്രദ്ധിക്കേണ്ട കാര്യങ്ങളും

അമ്മയുടെയും കുഞ്ഞിന്റേയും ആരോഗ്യത്തിനും ക്ഷേമത്തിനും മുലയൂട്ടൽ വളരെയധികം നിർണ്ണായകമായി കണക്കാക്കുന്നു. ആയതിനാൽ മുലയൂട്ടലിന്റെ പ്രാധാന്യം മനസ്സിലാക്കി പ്രോത്സാഹിപ്പിക്കുന്നതിനായി ലോകാരോഗ്യ സംഘടനയുടെ ആഹ്വാനപ്രകാരം എല്ലാവർഷവും ആഗസ്റ്റ് ആദ്യവാരം ലോക മുലയൂട്ടൽ വാരമായി ആചരിക്കുന്നു.

- ഡോ. ഷിബില കെ BAMS. MS(Ayu)

അമ്മയുടെയും കുഞ്ഞിന്റെയും ആരോഗ്യത്തിനും ക്ഷേമത്തിനും മുലയൂട്ടൽ വളരെയധികം നിർണ്ണായകമായി കണക്കാക്കുന്നു. ആയതിനാൽ മുലയൂട്ടലിന്റെ പ്രാധാന്യം മനസ്സിലാക്കി പ്രോത്സാഹിപ്പിക്കുന്നതിനായി ലോകാരോഗ്യ സംഘടനയുടെ ആഹ്വാനപ്രകാരം എല്ലാവർഷവും ആഗസ്റ്റ് ആദ്യവാരം ലോക മുലയൂട്ടൽ വാരമായി ആചരിക്കുന്നു. ഭൂമിയിൽ പിറന്ന് വീഴുന്ന ഏതൊരു കുഞ്ഞിന്റെയും ജന്മാവകാശമാണ് മുലപ്പാൽ. പ്രസവശേഷം ഉത്പാദിപ്പിക്കപ്പെടുന്ന ആദ്യത്തെ പാൽ ആയ ഇളം മഞ്ഞ നിറത്തിലുള്ള കൊളസ്ട്രം നിർബന്ധമായും കുഞ്ഞുങ്ങൾക്ക് നൽകണം. ഇത് കുഞ്ഞിന് ലഭിക്കുന്ന ആദ്യത്തെ രോഗപ്രതിരോധ മരുന്നായി കണക്കാക്കാം. കാരണം അണുബാധകളിൽ നിന്നും രോഗങ്ങളിൽ നിന്നും കുഞ്ഞുങ്ങളെ സംരക്ഷിക്കാൻ സഹായിക്കുന്ന ആന്റി ബോഡികളും മറ്റ് രോഗ പ്രതിരോധ ഘടകങ്ങളും ഇതിൽ അടങ്ങിയിരിക്കുന്നു. കൂടാതെ ദഹനേന്ദ്രിയ വ്യവസ്ഥ കാര്യക്ഷമമാകുന്നു. ഇതിന്റെ മൃദു വിരേചന ഗുണം നവജാത ശിശുവിന് ആദ്യത്തെ മലം (Meconium) പോകാൻ സഹായിക്കുന്നു. ഇതുവഴി മഞ്ഞപ്പിത്തം പോലുള്ള രോഗങ്ങൾ, ആസ്ത്മ, കരപ്പൻ തുടങ്ങിയ അലർജി രോഗങ്ങൾക്കെതിരെയും സംരക്ഷണം ലഭിക്കുന്നു. മുലപ്പാലിൽ കുഞ്ഞിന്റെ ശരീര വളർച്ച യും ബുദ്ധിവികാസത്തിനും ആവശ്യമായ എല്ലാ ഘടകങ്ങളും നിർദിഷ്ടമായ അനുപാതത്തിൽ അടങ്ങിയിരിക്കുന്നു. കൂടാതെ മുലപ്പാൽ ദഹിക്കാൻ എളുപ്പമാ ണ്. ഇത് ദഹനസംബന്ധമായ പ്രശ്നങ്ങ ളുടെ സാധ്യത കുറയ്ക്കുന്നു. ആയതിനാൽ കുഞ്ഞിന് ആദ്യത്തെ ആറുമാസക്കാലം മുലപ്പാൽ മാത്രം നൽകിയാൽ മതിയെന്ന് ലോകാരോഗ്യ സംഘടന നിർദ്ദേശിക്കുന്നു. ആറുമാസം കഴിയുമ്പോൾ മുലപ്പാലി ന്റെ ഗുണങ്ങൾ ക്രമേണ കുറഞ്ഞു വരുന്നു. അതിനാൽ മുലപ്പാലിനോടൊപ്പം മറ്റ് പോഷകാഹാരങ്ങൾ (കുറുക്ക്, പഴച്ചാർ മുതലായവ) കൊടുക്കാവുന്നതാണ്.

അമ്മമാരുടെ ആഹാരത്തിൽ ശ്രദ്ധിക്കേണ്ട കാര്യങ്ങൾ മുലയൂട്ടുന്ന കാലഘട്ടത്തിൽ അമ്മയുടെ ഭക്ഷണക്രമത്തിലും ജീവിതശൈലിയിലും വളരെയധികം ശ്രദ്ധിക്കേണ്ടതാണ്. കാരണം ഇത് മുലപ്പാലിന്റെ ഗുണനിലവാരത്തെയും അമ്മയുടെ ആരോഗ്യ ത്തെയും ബാധിക്കുന്നു. അത് കുഞ്ഞിന് പലതരത്തിലുള്ള രോഗങ്ങൾക്കും കാരണമാകുന്നു.

മുലയൂട്ടുന്ന കാലഘട്ടത്തിൽ പോഷകസമൃദ്ധമായ ആഹാരം കഴിക്കണം. അതുവഴി മുലപ്പാലിന്റെ അളവും ഗുണവും വർധിക്കുന്നു.