ర్యాటీ రెస్క్యూ మిషన్

నందనవనంలో ప్రవహిస్తున్న ఒక నది పక్కన ఎలుకలు నివసించే ఒక చిన్న పట్టణం 'టైనీ' ఉంది. ర్యాటీ తన కుటుంబంతో అక్కడ నివసిస్తున్నాడు.

- హనుమాన్ మల్ శర్మ

నందనవనంలో ప్రవహిస్తున్న ఒక నది పక్కన ఎలుకలు నివసించే ఒక చిన్న పట్టణం 'టైనీ' ఉంది. ర్యాటీ తన కుటుంబంతో అక్కడ నివసిస్తున్నాడు. మనుషులు నివసించే నగరానికి దగ్గరగా టైనీ ఉంది. మున్సిపాలిటీ వాళ్లు నగరంలోని చెత్తను సేకరించి ప్రతి రోజు అడవిలో పడేస్తూ ఉంటారు. ఆ చెత్త కుప్పలో మిగిలిపోయిన ఆహారం కూడా ఉండేది.

అడవికి అవతలి వైపున కూరగాయలు బాగా పెరిగాయి. వాటికి అవి ఆహారంగా మారాయి. అందుకే ఎలుకలు ఆరోగ్యంగా తయారయ్యాయి. ర్యాటీ కొడుకు రిజో తన స్నేహితులతో కలిసి అడవంతా తిరుగుతూ ఆడుకునేవాడు. నగరానికి వెళ్లే రోడ్డుపైన కూడా ఆడుకునేవాడు.

నందనవనంలోని జంతువులన్నీ సంతోషకరమైన, సంతృప్తికరమైన జీవితాన్ని గడుపుతున్నాయి. ఎవరూ ఎవరినీ ఇబ్బంది పెట్టడం లేదు. కానీ కొన్నిసార్లు కొన్ని చిన్న ఏనుగులు నదిలో స్నానం చేయడానికి, ఎండలో ఆరబెట్టుకోవడానికి అక్కడికి వచ్చేవి. వాటి నాయకుడు ఇగ్గీ తరచుగా 'టైనీ'కి వచ్చేవాడు.

ఇగ్గీ కొంటెవాడు. కానీ తెలివైన ఏనుగు.అతడు నది వెంట నడవడం ఇష్టపడేవాడు. కానీ తాను వేసే ప్రతి అడుగు ఎలుకలు తయారుచేసుకున్న ఇళ్లను నాశనం చేస్తుందని అతడు గ్రహించలేకపోయేవాడు ఒక రోజు ఎలుకలు గుంపుగా ర్యాటీ దగ్గరికి వెళ్లి తమకు సహాయం చేయమని అడిగాయి. అప్పుడు ర్యాటీ “మరోసారి ఏనుగు వచ్చినప్పుడు నాకు చెప్పండి.నేను వారితో మాట్లాడుతాను" అని చెప్పాడు.

ఆ రోజు స్కూలు మూసివేసి ఉంది. బయట చలిగా ఉంది. మంచు బిందువులు పచ్చగడ్డిని మెరిపిస్తున్నాయి. అప్పుడు సమయం 8 గంటలు.యువ ఏనుగుల గుంపు నదిలో స్నానం చేసిన తర్వాత టైనీ వైపు నడవడం మొదలు పెట్టింది.

రిజో అక్కడ తన స్నేహితులతో కలిసి క్రికెట్ ఆడుతూ బిజీగా ఉన్నాడు. అకస్మాత్తుగా క్రికెట్ మైదానం వణకసాగింది. అది ఒక భూకంపంలాగా ఉంది. ఏనుగుల గుంపు సమీపించడం రిజో చూసాడు.వెంటనే ఇంటికి పరుగెత్తి తన తండ్రికి చెప్పాడు.

“రండి త్వరగా నాన్నగారూ, వాళ్లు టైనీకి చేరుకోబోతున్నారు".