మంచి స్నేహితుడు

ఊడీ వడ్రంగి పిట్ట అతని భార్య లోనీ కొత్తగా గూడు కట్టుకోవడానికి తగిన స్థలం కోసం వెతుకుతున్నారు.

- వందనా గుప్తా

ఊడీ వడ్రంగి పిట్ట అతని భార్య లోనీ కొత్తగా గూడు కట్టుకోవడానికి తగిన స్థలం కోసం వెతుకుతున్నారు.

“నాకు నిశ్శబ్దంగా ఉండే ఒక ప్రశాంతమైన ప్రదేశం కావాలి. అక్కడ నేను గుడ్లు పెట్టవచ్చు.బాధ లేకుండా పిల్లలను పెంచవచ్చు" అంది లోనీ.

వారు పచ్చదనంతో నిండి ఉన్న అడవిలో ఒక నిర్జన ప్రదేశానికి వెళ్లారు.

“చూడు, ఈ ప్రదేశంలో చాలా చెట్లు ఉన్నాయి.చెట్లకు పండ్లు కూడా ఉన్నాయి" అన్నాడు ఊడీ.

“అవును, దగ్గరలో ఒక సరస్సు ఉంది. దాని చుట్టూ గడ్డి పుష్కలంగా ఉంది. ఇది చాలా గొప్ప ప్రదేశం. ఇక్కడ ఆహారం, నీరు పుష్కలంగా ఉంది.

ఇది నిశ్శబ్దంగానూ ఉంది. మనం ఇక్కడ గూడు నిర్మిద్దాం” చెప్పింది లోనీ సంతోషంగా.

“ఓహ్, చూడు! ఈ చెట్టుకి తొర్ర కూడా ఉంది" అన్నాడు ఊడీ.

“చాలా బాగుంది. మనకు ఎక్కువ సమయం కూడా లేదు. నేను ఇప్పుడు ఏ క్షణంలోనైనా గుడ్లు పెడతాను. మనం ఈ తొర్ర ఉపయోగించుకుందాం. దీనిని గూడులాగా అలంకరించుకుందాం" తన నిర్ణయాన్ని చెప్పింది లోనీ.

పక్కన చెట్టుపై కూర్చుని పండు తింటున్న ఒక రామ చిలుక “నా పేరు పెప్పీ. మీరిద్దరు ఇందులో నివసించి పొరపాటు చేయవద్దని నా సలహా” అని వారితో చెప్పాడు.

కానీ ఊడీ, లోనీలు ఆ ప్రదేశం చూసి ఎంతగానో ఆకర్షితులయ్యారు. రామచిలుక సలహా వినడానికి వారు ఇష్టపడలేదు.

“మేము నీ అభిప్రాయాన్ని అడిగామా? ఎందుకు

నువ్వు మాతో మాట్లాడుతున్నావు? ఎక్కడ నివసించాలో, ఎక్కడ నివసించకూడదో నిర్ణయించేంత తెలివి మాకు ఉంది" అంది లోనీ చిరాకు పడుతూ.

“కానీ నేను చెప్పేది కనీసం ఒకసారి వినండి.

కొద్ది దూరంలో ఉన్న ఆ ఇనుప పలకలను చూడండి.” కానీ ఊడీ పెప్పీనీ మధ్యలో కట్ చేస్తూ “మాతో మాట్లాడవద్దని నీకు చెప్పాం. మాకు ఏది మంచిదో, మేమే చూసుకుంటాం” అన్నాడు.

పెప్పీ నిశ్శబ్దంగా వెళ్లిపోయాడు.

ఊడీ, లోనీలు తమ కొత్త గూడును తయారు చేసుకోవడం మొదలు పెట్టారు. వాళ్లు ఎంతో ఉత్సాహంగా ఉన్నారు. రంగురంగుల ఈకలు, పనికిరాని పుల్లలు, గడ్డి సేకరించడానికి చుట్టూ ఎగిరారు. గూడు ఏర్పాటు చేయడానికి వాళ్లు చాలా గంటలు శ్రమించారు. వారి ఆనందానికి హద్దు లేకుండా పోయింది.