రక్షించిన స్నేహితుడు

శీతాకాలం సమీపించగానే జంతువులన్నీ ' తమ పరుపులు నింపుకోవడంలో పోటీ పడ్డాయి. పరుపుల షాపు యజమాని బ్యాడీ నక్క వాటిలో దూది నింపడంలో బిజీగా మారిపోయాడు.

- అల్కా జైన్

శీతాకాలం సమీపించగానే జంతువులన్నీ ' తమ పరుపులు నింపుకోవడంలో పోటీ పడ్డాయి. పరుపుల షాపు యజమాని బ్యాడీ నక్క వాటిలో దూది నింపడంలో బిజీగా మారిపోయాడు.

చీకూ కుందేలు తల్లితో “మమ్మీ, చలి బాగా ఉంది. మనం పరుపులు దూదితో నింపించాలి” అని చెప్పాడు.

“అలాగే, నీకు రేపు సెలవు కదా. అప్పుడు వెళదాం” జవాబిచ్చింది తల్లి.

మర్నాడు తల్లి, తండ్రి, చీకూ బ్యాడీ దుకాణానికి వెళ్లారు. ఆకాశంలో నల్లని మేఘాలు కమ్ముకున్నాయి. వర్షం కురవబోతున్నట్లుగా ఉంది. “మమ్మీ ఇది చలికాలం అయినప్పటికి వర్షం కురుస్తుందేమో అనిపిస్తోంది" అన్నాడు చీకూ.

“అవును, ఒకసారి వర్షం పడితే చలి తగ్గుతుంది.మనం పరుపులో దూది నింపించడం మంచిది. బ్యాడీ మన పరుపుకి సమయానికి దూది నింపి ఇస్తాడు" అంది తల్లి. మాట్లాడుకుంటూ వారు బ్యాడీ దుకాణానికి వెళ్లారు.

బొద్దుగా ఉన్న చీకూను చూసి బ్యాడీకి నోట్లో నీళ్లూరాయి. చీకూ తండ్రి పరుపు నింపడం గురించి అడిగితే బ్యాడీ ముగ్గురికి ఒక పరుపు సరిపోతుందని, దానికి కొలతలు తీసుకోవాలన్నాడు.

“మాకు ఒక్క పరుపు సరిపోతుంది కాబట్టి మా ముగ్గురి కోసం ఒకటి తయారుచేయండి" చెప్పాడు.

చీకూ తండ్రి.

చీకూని దగ్గరి నుంచి చూసిన బ్యాడీలో తినాలన్న కోరిక పెరిగింది. పరుపుల కోసం భారీగా ఆర్డర్లు వచ్చినప్పటికీ అతడు రేపు సాయంత్రం వారికి పరుపు ఇస్తానని హామీ ఇచ్చాడు. కానీ రేపు తనకు గుర్తు చేయడానికి చీకూను పంపించమన్నాడు.తండ్రి సంతోషంగా ఒప్పుకున్నాడు. తిరిగి వెళ్లేటప్పుడు చీకూ తండ్రితో “డాడీ, నేను రిమైండ్ చేయడానికి బ్యాడీ దుకాణానికి వెళ్లను" చెప్పాడు.