తడిసిన పుస్తకం

యునైటెడ్ స్టేట్స్ ఆఫ్ అమెరికా 16వ అధ్యక్షుడు అబ్రహం లింకన్కి బహుశా అప్పుడు పదకొండు లేదా పన్నెండేళ్లు ఉండవచ్చు.

- హరివంశ్ సింగ్

యునైటెడ్ స్టేట్స్ ఆఫ్ అమెరికా 16వ అధ్యక్షుడు అబ్రహం లింకన్కి బహుశా అప్పుడు పదకొండు లేదా పన్నెండేళ్లు ఉండవచ్చు. అతడు తడిసిన పుస్తకాన్ని ఆరబెట్టడానికి పొయ్యి దగ్గరకి వెళ్లి తన మోకాళ్లపై పెట్టాడు. పుస్తకం బాగా తడిసి ఉంది. కానీ మండుతున్న చెక్కల మంటలు, వాటి వేడి దాని వరకు చేరుకున్నాయి.

పుస్తకం పేజీలు అతుక్కుపోయి పుడ్డింగ్గా తయారైంది. అది వేరొకరి పుస్తకం. అరువుగా తీసుకున్నాడు. అందుకే దాన్ని ఆరబెట్టవలసి వచ్చింది. 

అబ్రహంకి రెండేళ్లు పెద్దదైన అక్క సారా అయోమయంలో పడింది.

“అబ్రహం, ఏం చేస్తున్నావు? దయచేసి నాక్కూడా వివరించు" అని అడిగింది.

అబ్రహం పుస్తకాన్ని మంటలకు దగ్గరగా ఉంచుతూ “అక్కా, నేను 'ది బయోగ్రఫీ ఆఫ్ వాషింగ్టన్' పుస్తకాన్ని చదవడానికని క్రాఫోర్డ్ అనే రైతు నుంచి అరువుగా తీసుకున్నాను. ఇంట్లో కొవ్వొత్తి ఆరిపోయేంత వరకు దీన్ని చదివాను. తర్వాత దీన్ని నా గదిలో రెండు కిటికీల బార్స్ మధ్య పెట్టాను. ఉదయం చదవచ్చులే అనుకున్నాను” అని చెప్పాడు.

“నిన్న రాత్రి భయంకరమైన తుఫాను, వర్షం వచ్చి ఈ విపత్తుకు దారి తీసాయి" అని ముగించింది సారా.

అబ్రహం ఒకసారి తన అక్కవైపు తదేకంగా చూసి ఆపై అతి కష్టంగా నవ్వాడు.

“ఇది వృధా ప్రయత్నం” తమ్ముడి గడ్డం పట్టుకుని చెప్పింది సారా.

“రైతు దీన్ని తిరిగి తీసుకోడు” అంది.

అబ్రహం తల ఊపాడు. తర్వాతి పేజీ ఆరబెట్టసాగాడు. ముద్రణ ఇంకా అలాగే ఉంది.దానికి తేమ పట్టలేదు.

సారా అతన్ని ఓదారుస్తూ “కనీసం ఒక వారం రోజులు నువ్వు విశ్రాంతి తీసుకోవచ్చు. అతడు ఈ బుక్ కోసం ఏమీ రాడు. కానీ ఆ తర్వాత నువ్వు ఏదో ఒకటి ఆలోచించాలి" అని చెప్పింది.

అబ్రహం పుస్తకాన్ని ఆరబెడుతూ ఆలోచనలో మునిగిపోయాడు.