నిజమైన స్నేహితులు

నిజమైన స్నేహితులు

- వందనా గుప్తా

టిమ్మీ బాతు ఎక్కడికి వెళ్లినా అందరూ ఆమె అందాన్ని మెచ్చుకునే వారు. ఆమె ఈకలు చేప పొలుసుల్లా మెరుస్తున్నాయనే వారు.కొందరు ఆమె సన్నని మెడను ప్రశంసించేవారు.మరికొందరు ఆమె నారింజ రంగు ముక్కు అందాన్ని పొగిడేవారు. టిమ్మీ ఈ ప్రశంసలు వినడం అలవాటు చేసుకుంది. ఇవి విన్న ఆమె ముఖం సంతోషంతో వెలిగిపోయేది.

ఒక రోజు సాయంత్రం క్రియో మొసలి నది ఒడ్డున పుట్టిన రోజు పార్టీ ఏర్పాటు చేసి అడవిలోని వారందరినీ ఆహ్వానించాడు. పార్టీ ఇంకేదైనా రోజు ఉంటే టిమ్మీ ఉత్సాహంగా సిద్ధమయ్యేది. కానీ ఆ రోజు బాధపడింది. అద్దం ముందు నిలబడి ఆలోచించింది. పురుగు ఆమెను కుట్టడంతో ఒక కన్ను పూర్తిగా వాచిపోయింది.

అప్పుడు తాను అందంగా ఎలా కనిపిస్తుంది. పార్టీకి ఎలా వెళ్తుంది? కానీ పార్టీకి వెళ్లి ఆహార పదార్థాలన్నీ రుచి చూడాలనుకుంది. గత సంవత్సరం క్రియో బర్త్ డే పార్టీలో అద్భుతమైన వంటకాలు చేయించాడు. రసగుల్లాల రుచి ప్రత్యేకంగా ఉంది.

టిమ్మీ నగరానికి వెళ్లి నల్ల కళ్లజోడు కొనుక్కున్న విషయం గుర్తు చేసుకుంది. అప్పుడు వాటితో స్మార్ట్ కనిపించింది. ఇప్పుడు ఎందుకు ప్రయత్నించకూడదు అనుకుని నల్ల కళ్ల జోడు పెట్టుకుని చూసింది. వాపు కనిపించకుండా అది కవర్ చేసింది.

'ఇట్స్ ఓకే టిమ్మీ, నువ్వు అందమైన దానివే కాదు స్మార్ట్ కూడా' తనలో తానే అనుకుంది.

సాయంత్రం మంచి దుస్తులు ధరించి నల్ల కళ్ల జోడు పెట్టుకుని పార్టీకి వెళ్లింది.

“ఓహ్ వావ్, టిమ్మీ, స్మార్ట్ కనిపిస్తున్నావు. కానీ రాత్రి పూట సన్గ్లాసెస్ ఎందుకు పెట్టుకున్నావు?” అడిగింది టోటో తాబేలు.

"వీటిని గాగుల్స్ అంటారు. ఇది నా స్టయిల్.ఎప్పుడైనా పెట్టుకుంటా" గర్వంగా చెప్పింది టిమ్మీ.