చంద్రునిపై భూమి అమ్మకం

రాబీ గుర్రం, రౌనక్ కుందేలు, గరిమ మేకలు ఎప్పటిలాగానే క్రికెట్ ఆడుకుంటుండగా ప్రమాదవశాత్తు బంతి రౌనక్ చెవికి తాకింది.

రాబీ గుర్రం, రౌనక్ కుందేలు, గరిమ మేకలు ఎప్పటిలాగానే క్రికెట్ ఆడుకుంటుండగా ప్రమాదవశాత్తు బంతి రౌనక్ చెవికి తాకింది.

రౌనక్ బాధతో మూలుగుతూ కింద కూర్చుని “ఆహ్, పట్టపగలే నాకు నక్షత్రాలు కనిపిస్తున్నాయి” అన్నాడు.

రాబీ, గరిమలు భయపడ్డారు.

తర్వాత రౌనక్ చిరునవ్వుతో "నేను ఈసారి మా అమ్మ పుట్టిన రోజుకు ఏం బహుమతి తెస్తున్నానో మీకు తెలుసా?” అని అడిగాడు.

“మాకెలా తెలుస్తుంది. నువ్వే చెప్పు. మమ్మీకి ఏం బహుమతి ఇస్తున్నావో. ఆమెకు ఇష్టమైన క్యారెట్ హల్వా చేసి ఇస్తున్నావా?” అన్నారు రాబీ, గరిమలు.

“లేదు, అమ్మ ఇప్పటికే ఇరవైసార్లు క్యారెట్ హల్వా చేసింది. రాత్రిపూట దూరంగా ఉన్న చందమామను చూపిస్తూ ఆమె నా కోసం పాట పాడేది. కానీ చంద్రయాన్ లాండర్ చంద్రునిపై అడుగు పెట్టగానే నేను అమ్మను తీసుకుని చందమామ పైకి వెళ్లాలని నిర్ణయించుకున్నాను”.

“ఎలా తీసుకు వెళ్తావు?" అడిగారు రాబీ, గరిమలు.

“ప్రపంచం ఎంతో అభివృద్ధి చెందింది. ఇప్పుడు ప్రజలు చంద్రునిపై భూమిని కొనుగోలు చేస్తున్నారు.నేనూ నా పిగ్గీ బ్యాంక్ డబ్బు తీసుకుని చంద్రుని పై స్థలం కొనాలనుకుంటున్నాను" చెప్పాడు రౌనక్.