పరిష్కారం

అది 1901 సంవత్సరం. భారతదేశం బ్రిటీషు పాలనలో ఉన్న కాలం. మహారాష్ట్రలోని సతారాలో తొమ్మిది సంవత్సరాల భీమ్రావ్ తన అన్నయ్య, మేనల్లుడు నానమ్మతో నివసిస్తున్నాడు. 

- కథ • కుసుమ్ అగర్వాల్

అది 1901 సంవత్సరం. భారతదేశం బ్రిటీషు పాలనలో ఉన్న కాలం. మహారాష్ట్రలోని సతారాలో తొమ్మిది సంవత్సరాల భీమ్రావ్ తన అన్నయ్య, మేనల్లుడు నానమ్మతో నివసిస్తున్నాడు. ఆ సమయంలో అతని తండ్రి కోరెగాంవ్లో క్యాషియర్గా పని చేస్తున్నాడు.

అతని తండ్రి సతారాను తరచుగా సందర్శించలేడు కాబట్టి అతను తన పిల్లలకు ఒక ఉత్తరం రాసాడు. సెలవుల్లో గడపడానికి వారిని కోరెగాంప్కు ఆహ్వానించాడు.

తండ్రి దగ్గరి నుంచి ఈ సందేశం అందుకున్న భీమ్రావ్ చాలా సంతోషించాడు. దీనికి రెండు కారణాలున్నాయి.

మొదటిది, అతని తల్లి చనిపోయినప్పటి నుంచి సతారాలో జీవించడం అతనికి చాలా దుర్భరంగా మారింది. తను పదేళ్ల వయసులో ఉన్నప్పుడు ఆమె చని పోయింది. దాంతో ఇంటిని చూసుకునేవారు లేకుండా పోయారు. ఈ బాధ్యతను అతని అత్త స్వీకరించింది. కానీ ఆమె ఆరోగ్యం సరిగ్గా ఉండేది కాదు. ఇంటి పనులు నిర్వహించడానికి చాలా కష్టమయ్యేది. దాంతో పిల్లలు తరచుగా తామే వంట చేసుకోవాల్సి వచ్చేది. కానీ వారికి కేవలం అన్నం వండటం మాత్రమే తెలుసు. జీవించటానికి అదే ఆధారంగా మారింది.

రెండవ కారణం భీమ్రావ్ తను చదివే స్కూల్లోనూ వివక్ష ఎదుర్కొన్నాడు. అతని కుటుంబం హిందూ మహర్ కులానికి చెందినది. ఇది అంటరాని కులం. ఆ కాలంలో వీరు ఆర్థిక,

సామాజిక వివక్షను ఎదుర్కొన్నారు. భీమ్రావ్ తండ్రి గతంలో సైన్యంలో పని చేసిన తన హెూదాను ఉపయోగించి అతన్ని ప్రభుత్వ పాఠశాలలో చేర్పించాడు. కానీ తన మహర్ కులం కారణంగా క్లాసులోని పిల్లలు అతన్ని తమతో కలిసి కూర్చోవడానికి అనుమతించలేదు. అతన్ని వేరు చేసి క్లాసు బయట అంటరాని పిల్లలతో కలిసి కూర్చోబెట్టారు. బ్రాహ్మణ ఉపాధ్యాయులు అతన్ని పట్టించుకోలేదు. సహాయం చేయలేదు. భీమా తరగతి గది వెలుపల కూర్చుని అక్కడి నుంచి పాఠాలు వింటూ వాటిని కంఠస్థం చేసేవాడు.

దాహం వేసినప్పుడు స్కూలు వాళ్లు కుళాయి నుంచి నేరుగా నీళ్లు తాగనివ్వలేదు. ప్యూన్ వచ్చి అతని చేతుల్లో నీళ్లు పోసేవాడు. ఏ రోజైనా ప్యూన్ స్కూలుకి రాకపోతే ఆ రోజు భీమ్రావ్ నీళ్లు లేకుండానే గడపాల్సి వచ్చేది.

క్లాసు పిల్లలు అతనితో కలిసి ఆడుకోలేదు. తమ వస్తువులను ముట్టుకోనివ్వలేదు. అలా భీమ్రావ్ ఏకాంత, ఒంటరి జీవితాన్ని గడిపాడు. ఇది అతనికి ఇష్టం లేదు.

ఒక రోజు “అన్నయ్యా, మనం నాన్నను ఎప్పుడు కలుస్తున్నాం?” అడిగాడు భీమ్రావ్ తన అన్నయ్యను.