பொட்டுக்கடலையில் கணிதம்

'செம போர் அடிக்கு... செல்போன் தாங்க'ன்னு செழியனும் லயாவும் வந்தாங்க. செழியன் கையில் பொட்டுக்கடலை டப்பா இருந்தது. "ரெண்டு பேரும் உட்காருங்க”ன்னு அமர வைத்தேன். ஆளுக்கு கையில் கொஞ்சம் கடலையைக் கொடுத்தேன்

- உமாநாத் செல்வன்

1. "யாரிடம் நிறைய இருக்கு?" என்றேன். “எண்ணித்தான் சொல்ல முடியும்" என்றனர். "சரி. யாரிடம் எவ்வளவு இருக்கும்னு தோராயமா சொல்லுங்க” என்றேன். செழியன், '30' என்றான் லயா '32' என்றாள்.

2. “சரி, எண்ணுங்க" என்றேன். ஆளாளுக்கு எண்ணினார்கள். செழியனுக்கு வந்தது 43. லயாவிற்கு 51.

3. "நீங்க சொன்ன எண்ணிக்கை சரிதானா எனச் சரி பார்க்கவேண்டும். ஆனால் அனைத்தையும் எண்ண பொறுமையில்லை. சீக்கிரமா சரி பார்க்க முடியும்? அதனால் அய்ந்து அய்ந்து பொட்டுக்கடலையாகப் பிரிச்சு வையுங்க." "மீதம் வருமே” என்றார்கள். "ஆமா. அந்த மீதம் வந்தால் நான் எளிதாக உங்க எண்ணிக்கை சரியா தவறா என்று சொல்லிடுவேன்" என்றேன். 

செழியன் "அப்படி அய்ந்து அய்ந்தா அடுக்கி மீதம் 3 வந்துவிட்டது என்றான்." லயா “1 வந்தது” என்றாள்.