అమ్మ ఒడితో చదువుకు భరోసా కల్పించాం : సీఎం జగన్

స్వాతంత్ర్యానికి, ప్రజా స్వామ్యానికి, సార్వభౌమత్వానికి, ఆత్మ గౌరవానికి ప్రతీక జాతీయ జెండా అని ఏపీ సీఎం వైఎస్ జగన్ మోహన్ రెడ్డి అన్నారు.

స్వాతంత్ర్యానికి, ప్రజా స్వామ్యానికి, సార్వభౌమత్వానికి, ఆత్మ గౌరవానికి ప్రతీక జాతీయ జెండా అని ఏపీ సీఎం వైఎస్ జగన్ మోహన్ రెడ్డి అన్నారు. అహింసే ఆయుధంగా, సత్యమే సాధనంగా శాంతియుత పోరాటం భారతదేశానికి, ప్రపంచమానవాళికి మహోన్నత చరిత్రగా తిరుగులేని స్ఫూర్తిగా కలకాలం నిలిచే ఉంటుందన్నారు. అందుకే మన స్వాతంత్ర్య పోరాటం మహోన్నతమైనదన్నారు. 75 ఏండ్లలో దేశం తిరుగులేని విజయాలు సాధించిందన్నారు. బ్రిటీష్ వారిపై యుద్ధం ప్రకటించి దేశం కోసం ప్రాణాలు అర్పించిన మహనీయుల త్యాగాలు మరువలేనివన్నారు.

ప్రపంచంతో పోటీ పడి ప్రగతి సాధిస్తున్నాం.

1947లో 100మందిలో 12 శాతం అక్షరాస్యత ఉంటే.. ప్రస్తుతం అక్షరాస్యత 77 శాతానికిపైగా ఉందని ఏపీ సీఎం వైఎస్ జగన్ మోహన్ రెడ్డి అన్నారు. స్మార్ట్ ఫోన్ల వినియోగంలో ప్రపంచంలోనే దేశం రెండో స్థానంలో ఉ దన్నారు. ప్రపంచ ఫార్మా రంగంలో టాప్ మూడు దేశాల్లో ఇండియా ఒకటిగా నిలిచిందన్నారు. బ్రిటన్ లో వాడుతున్న నాలుగు ట్యాబెట్లలో ఒకటి ఇండియాలోనే తయారు అవుతున్నాయన్నారు. అంతరిక్ష రంగంలో ఇస్రో సాధించే ఘన విజయాలు శత్రువు ఎంత బలవంతుడైనా దాన్ని ఎదుర్కొనేందుకు అణు ఆయుధాల క్షిపణులు, తేజస్ యద్ధవిమానాలు తయారు చేశామన్నారు. వాటిని కొనుగోలు చేసేందుకు పలు దేశాలతో పాటు అమెరికా ఆసక్తి చూపుతోందన్నారు. ఎందరో ఇండియన్లు అమెరికన్ కంపెనీలకు సీఈవోలుగా ఉన్నారని చెప్పారు. బ్రిటన్ లో భారతీయ సంతతి వ్యక్తి ప్రధాని రేసులో ఉన్నారని.. అగ్రరాజ్యంలో భారతీయ సంతతి మహిళ అమెరికా ఉపాధ్యక్ష పదవిలో ఉండటం భారతీయలు గర్వించే అంశాలుగా ఉన్నాయన్నారు. ప్రపంచంతో పోటీ పడి ప్రగతి సాధిస్తున్నామని.. ఆహార ధాన్యాల లోటుని దేశం అధిగమించిందన్నారు. 150 దేశాలకు ఆహార ధాన్యాన్ని ఎగుమతి చేస్తున్నామని ఏపీ సీఎం జగన్ చెప్పారు.

రైతులకు అన్ని విధాలా సహాయం