വിവരങ്ങളുടെ വിശകലനപഠനം ഡേറ്റ പഠിക്കാം, ഡേറ്റകൊണ്ടു പഠിക്കാം

കരിയർ ഗുരു വഴി തെളിക്കുന്നു

മലവെള്ളപ്പാച്ചിലെന്നപോലെ അമ്പരപ്പിക്കുന്ന വേഗത്തിലാണ് പുതിയ വിവരങ്ങൾ വന്നടിയുന്നത്. ഇത്തരം ‘ബിഗ് ഡേറ്റ കൈകാര്യം ചെയ്യൽ സങ്കീർണമായ മേഖലയാണ്. ഇന്റർനെറ്റ് ഓഫ് തിങ്സ് (ഐഒടി), മെഷിൻ ലേണിങ്, ക്ലൗഡ് കംപ്യൂട്ടിങ് എന്നിവ ഇതുമായി കൂട്ടിവായിക്കേണ്ടവയാണ്. മെച്ചമായ പ്രവർത്തനക്ഷമത, പ്രശ്ന പരിഹാരത്തിനു നല്ല സമീപനം, ലളിതമായ ബിസിനസ് പ്രോസസിങ്, നല്ല ഉപഭോക്തൃസേവനം, ഉപഭോക്താക്കളുടെ പ്രതികരണം മനസ്സിലാക്കി ആരോഗ്യകരമായ നയാവിഷ്കരണം, സേവനങ്ങളിലെ വീഴ്ചകൾക്കുള്ള സാധ്യത മുൻകൂട്ടിക്കണ്ട് തടയാനുള്ള നടപടികൾ, തട്ടിപ്പുകൾ ഒഴിവാക്കൽ, മെച്ചമായ സുരക്ഷിതത്വം തുടങ്ങിയവ ബിഗ് ഡേറ്റ അനലിറ്റികൊണ്ട് കൈവരുത്താം. ഈ രംഗത്ത് വിദഗ്ധ സേവനത്തിന്റെ ആവശ്യം കൂടിവരികയുമാണ്.

പലവിധമുണ്ട്, ഡേറ്റ

ഡേറ്റ: വിവരണം, കണക്ക്, ചിത്രം, ഓഡിയോ, പ്രോഗ്രാം തുടങ്ങിയ വിവ രങ്ങൾ ശേഖരിച്ച് കംപ്യൂട്ടറിൽ സൂക്ഷിച്ചിട്ടുള്ളതാണു ഡേറ്റ

ബിഗ് ഡേറ്റ: സുഘടിതവും അല്ലാത്തതുമായി ഡേറ്റ പ്രളയം വിസ്മയകരമായ വേഗത്തിൽ വളരുന്നു. ശാസ്ത്രീയമാർഗങ്ങളിലൂടെ മാത്രമേ ഇതു കൈകാര്യം ചെയ്യാനാവൂ.