സിവിൽ പൊലീസ് ഓഫിസർ

124 എൻജെഡി ഒഴിവ് 6 ജില്ലയിൽ നിയമന ശുപാർശ

- ഷാജി പൊന്നോല

സിവിൽ പൊലീസ് ഓഫിസർ തസ്തികയുടെ 124 എൻജെഡി ഒഴിവുകൾ പൊലീസ് വകുപ്പ് പിഎസ്സിയിൽ റിപ്പോർട്ട് ചെയ്തു. പിഎസ്സി നിയമന ശുപാർശ ചെയ്തവരിൽ പരിശീലനത്തിനു പ്രവേശിക്കാത്തവരുടെ ഒഴിവാണിത്. മലപ്പുറം (എംഎസ്പി) ജില്ലയിലാണ് ഏറ്റവും കൂടുതൽ ഒഴിവ്-31. കുറവ് എറണാകുളം (കെഎപി-1) ജില്ലയിൽ 4. എൻജെഡി ഒഴിവുകൾ റിപ്പോർട്ട് ചെയ്ത 6 ജില്ലയിൽ പിഎസ്സി നിയമന ശുപാർശ തയാറാക്കി. തിരുവനന്തപുരം, പത്തനംതിട്ട, ഇടുക്കി, എറണാകുളം, തൃശൂർ, കാസർകോട് ജില്ലകളിലാണ് റിപ്പോർട്ട് ചെയ്ത എല്ലാ ഒഴിവിലും നിയമന ശുപാർശ നടന്നത്. മലപ്പുറം ജില്ലയിൽ ജൂലൈ 27നു റിപ്പോർട്ട് ചെയ്ത 22 ഒഴിവിൽ നിയമന ശുപാർശ നടന്നെങ്കിലും ഓഗസ്റ്റ് 9നു റിപ്പോർട്ട് ചെയ്ത 9 ഒഴിവിൽ ശുപാർശ നടക്കാനുണ്ട്.