പ്ലസ് ടു അല്ലാതെ പഠിക്കാൻ പല വഴികൾ

പത്താം ക്ലാസ് കഴിഞ്ഞ് പ്ലസ് ടു പഠനമല്ലാതെ തിരഞ്ഞെടുക്കാൻ പല വഴികളുണ്ട്

പത്തു ജയിച്ചാൽ ഹയർ സെക്കൻഡറി പ്ലസ് ടു എന്ന മട്ടിലാണ് ഉപരിപഠനക്കാര്യത്തിൽ മിക്കവരും ചിന്തിക്കുക. ഇങ്ങനെയല്ലാതെ ചിന്തിക്കുന്നവർക്കു ചേർന്ന ഏതാനും വഴികൾ പറയാം. വരും വർഷം ഉപരിപഠനം ആഗ്രഹിക്കുന്നവർക്കും പ്രയോജനപ്പെടുത്താവുന്ന വിവരങ്ങളാണിവ.

പോളിടെക്നിക് കോളജ്

രൂപകൽപനയും നിർമാണവും പരിപാലനവും അടക്കം വൈവിധ്യമാർന്ന പ്രവർത്തനങ്ങളുടെ ചുമതല വഹിക്കുന്ന എൻജിനീയർമാർ ഒരു ഭാഗത്ത്. ഇലക്ട്രീഷ്യൻ, മോട്ടർ മെക്കാനിക്ക് തുടങ്ങിയ സ്കിൽഡ് ജോലിക്കാർ മറ്റൊരു ഭാഗത്ത്. ഇവരെ കൂട്ടിയിണക്കുന്ന നിർണായക കണ്ണിയായ ടെക്നീഷ്യനുകളെ പരിശീലിപ്പിക്കുന്ന സ്ഥാപനങ്ങളാണ് പോളിടെക്നിക് കോളജുകൾ.