സമരമുറകൾ പലവിധം; ഒരു മാസം പിന്നിട്ട് സിപിഒ

റാങ്ക് ലിസ്റ്റ് അവസാനിക്കുന്ന ഏപ്രിൽ 12നു മുൻപ് പരമാവധി നിയമനം നൽകണമെന്ന് ആവശ്യം

- ഷാജി പൊന്നോല

സിവിൽ പൊലീസ് ഓഫിസർ റാങ്ക് ലിസ്റ്റിൽ ഉൾപ്പെട്ടവർ നിയമനം ആവശ്യപ്പെട്ട് തിരുവനന്തപുരത്ത് സെക്രട്ടേറിയറ്റിനു മുന്നിൽ ആരംഭിച്ച അനിശ്ചിതകാല സമരം ഒരു മാസം പിന്നിടുമ്പോഴും കെടാതെ ആവേശം.

മെഴുകുതിരി കത്തിച്ചും തലമുണ്ഡനം ചെയ്തും ശവമഞ്ചം ചുമന്നു പ്രതീകാത്മക ശവസംസ്കാരം നടത്തിയും റോഡിൽ നിരത്തിയ കല്ലുപ്പിനു മീതേ മുട്ടുകുത്തിയിരുന്നു. പലവിധ സമരങ്ങൾ നടത്തിയിട്ടും സർക്കാർ തിരിഞ്ഞുനോക്കിയില്ല.