ഇൻഷുറൻസ് എന്ത്, എന്തിന്?

ഇൻഷുറൻസ് മേഖലയിലുമുണ്ട് പഠനസാധ്യതകൾ. അതിന് ഇൻഷുറൻസ് മേഖലയെ ആദ്യം പരിചയപ്പെടണം

- ബി.എസ്.വാരിയർ

എന്തിനും ഏതിനും ഇൻഷുറൻസ് തേടി നടക്കുന്ന രീതി ഇപ്പോൾ കൂടിയിട്ടുണ്ട്. നഷ്ടസാധ്യതകൾക്കെതിരെയുള്ള സംരക്ഷണം എന്ന നിലയിൽ അനന്യമായ സമ്പദ്പ്രവർത്തനമാണ് ഇൻഷുറൻസ്. ഇതൊരു കരാറാണ്. ഭാവിയിൽ ഉണ്ടായേക്കാവുന്ന നഷ്ടത്തിനു സാമ്പത്തികപരിഹാരം നൽകാമെന്ന് വ്യക്തിക്കോ സ്ഥാപനത്തിനോ ഇൻഷുറൻസ് കമ്പനി ഉറപ്പു നൽകുന്നു. ഇത് പോളിസി രേഖയിൽ എഴുതിക്കൊടുക്കും. പോളിസി എടുത്ത വ്യക്തിയോ സ്ഥാപനമോ പ്രീമിയമായി നിശ്ചിതക്രമത്തിൽ പണമടയ്ക്കണം. നിർദിഷ്ട കാലയളവിലേക്ക് ഉപഭോക്താവിന്റെ റിസ്ക് കമ്പനി താങ്ങുന്നു. റിസ്ക് എത്രയെന്നു നോക്കി പ്രീമിയം നിർണയിക്കുന്നത് ആക്ച്വറി എന്ന പ്രഫഷനലാണ്.

എങ്ങനെ?

ഇൻഷുറൻസ് മേഖലയിലെ പഠനസാധ്യതകൾ പരിചയപ്പെടുംമുൻപ് ഇൻഷുറൻസ് എന്താണെന്ന് അടിസ്ഥാനപരമായി അറിഞ്ഞിരിക്കണം.