കെഎസ്ആർടിസി റിസർവ് ഡ്രൈവർ പിഎസ്സി നിയമനത്തിന് റിവേഴ്സ് ഗിയർ

പിഎസ്സി നിയമനം പാതിവഴിയിൽ ഉപേക്ഷിച്ച് താൽക്കാലിക നിയമനത്തിന് നീക്കം

- ഷാജി പൊന്നോല

റിസർവ് ഡ്രൈവർ തസ്തികയിൽ പിഎസ്സി നിയമനം ഉപേക്ഷിച്ചു കെഎസ്ആർടിസി താൽക്കാലിക നിയമനം നടത്താനൊരുങ്ങുന്നതിനെതിരെ ആശങ്കയോടെ ഉദ്യോഗാർഥികൾ. താൽക്കാലിക നിയമനം നടത്തുന്നതിന് ഒക്ടോബർ 14ന് കോർപറേഷൻ പുറത്തിറക്കിയ അറിയിപ്പിൽ 2012 ഓഗസ്റ്റ് 23നു നിലവിൽ വന്ന പിഎസ്സി റാങ്ക് ലിസ്റ്റിൽ ഉൾപ്പെട്ടവർക്കു മുൻഗണന നൽകുമെന്നു വ്യക്തമാക്കിയിട്ടുണ്ടെങ്കിലും ഇതിനു ശേഷമുള്ള ലിസ്റ്റ് സംബന്ധിച്ച് ഒരു അറിയിപ്പും വിജ്ഞാപനത്തിലില്ല. പിഎസ്സി ലിസ്റ്റിലുള്ളവർക്കു മുൻഗണന നൽകണമെന്നു 2022 ഓഗസ്റ്റ് 22ലെ ഹൈക്കോടതി ഉത്തരവ് വ്യക്തമാക്കിയിരുന്നു.