കളറുള്ള ജോലിക്ക് കളിനറി ആർട്സ്

ഹോട്ടൽ മാനേജ്മെന്റിന്റെ ഉപവിഭാഗമായ കളിനറി ആർട്സിലെ ബിരുദം മികച്ച ജോലിക്കുള്ള അവസരമാണ്. കഴിഞ്ഞ ലക്കത്തെ വിവരങ്ങളിൽ നിന്നു തുടർച്ച.

- ബി.എസ്.വാരിയർ

"ഫുഡ് പ്രിപ്പറേഷൻ' എന്ന പേരിൽ പാചകം “എന്ന വിഷയം ഹോട്ടൽ/ഹോസ്പിറ്റാലിറ്റി മാനേജ്മെന്റ് പ്രോഗ്രാമുകളിൽ ഉൾപ്പെടുന്നുണ്ടെങ്കിലും പാചകകല മാത്രമടങ്ങുന്ന പ്രോഗ്രാമുകൾക്കു തനതായ മികവുണ്ട്. കളിനറി ആർട്സ് (CULINARY ARTS) സമർഥമായി പഠിച്ചു നൈപുണി നേടിയവർക്കു ഷെഫുകളായി മേൽത്തരം ഹോട്ടലുകളിൽ ഒന്നാന്തരം അവസരം ലഭിക്കും. ഇന്ത്യൻ നേവി, ഫ്ലൈറ്റ് കിച്ചൻ, ആശുപത്രി, റെയിൽവേ കേറ്ററിങ് തുടങ്ങിയ മേഖലകളിലുമുണ്ട് വിദഗ്ധ ജോലികൾ.