வயநாடு பேரழிவு - மனிதன் கேட்டு வாங்கிய சாபம்!

வசதி, வளர்ச்சி எனும் ராட்சஸனின் ரத்த தாகம் தீர்க்க வயநாட்டில் உள்ள ஏழை எளியோரின் ரத்தம் இன்னும் எவ்வளவு தேவைப்படும் என்பது தான் முண்டக்கை வெள்ள நிலச்சரிவு எழுப்பும் வேதனையான கேள்வி. முண்டக்கையில் நடந்தது இயற்கையின் வன்முறை.

- ஷாஜி

இயற்கையின் பழிவாங்குதல் என்றெல்லாம் சொல்வது ஒரு பெரும் அபத்தம். அங்கு நடந்தது மனிதனால் உருவாக்கப்பட்ட பேரழிவு என்று சொன்னால் கூடப் போதாது. இது மனிதன் இயற்கையிடம் பிச்சை கேட்டு வாங்கிய பேரழிவு.

கேரளாவின் மேற்குத் தொடர்ச்சி மலையில் உள்ள மிக உயரமான சிகரம் ஆனைமலை. அதன் பிறகு வெள்ளிரிமலை - செம்பாறைமலை சிகரங்கள்.

கடல் மட்டத்திலிருந்து 2000 மீட்டர் உயரத்தில் உள்ளது வெள்ளிரிமலை சிகரம். வடக்கே வைத்திரியில் தொடங்கி செம்பாறைமலை அருணமலை, தொள்ளாயிரம்கண்டி மலை மற்றும் வெள்ளிரிமலைகளை உள்ளடக்கிய 'ஒட்டகக் கூம்பு' (Camel hump) மலை வரிசையின் தென்கிழக்குச் சரிவில் உள்ளது பேரிடர் நிகழ்ந்த முண்டக்கை மலைச் சாய்வு. மேற்குச் சரிவில் கோழிக்கோடு மாவட்டம் மற்றும் நிலம்பூர் பள்ளத்தாக்கு. முண்டக்கைப் பகுதியில் உருவாகும் ஆழ்ந்த நீரூற்றுகள் புன்னையாறாக உருமாறி சூசிப்பாறை நீர்வீழ்ச்சி வழியாக சாலியாறை நோக்கிப் பாய்கின்றன. முண்டக்கைப் பகுதியில் நமக்குத் தெரிந்து