எஜமானருக்கு சிறுநீரகத்தை ஏற்பாடு செய்த இண்டி!

மனிதனுக்கும் நாய்க்கும் இடையிலான நட்பையும், அன்பையும் பற்றி ஆயிரக்கணக்கான கதைகள் இருக்கின்றன. அவற்றில் நெகிழ்வான கதைகளைப் பட்டியலிட்டால் முதன்மையான இடத்தைப் பிடிக்கக்கூடிய நிஜக்கதை இது.

- த. சக்திவேல்

இங்கிலாந்தைச் சேர்ந்த லூசிக்கு வயது 44. பார்ட்னர் ஓவன் மற்றும் இரண்டு செல்ல நாய்களுடன் வாழ்ந்து வந்தார் லூசி. அவரது டாபர்மேன் இனத் தைச் சேர்ந்த செல்ல நாயின் பெயர், இண்டு.

சில வருடங்களுக்கு முன்பு அவருக்கு ஏற்பட்ட லூபுஸ் எனும் நோயினால் லூசியின் இரண்டு சிறுநீரகங்களும் செயலிழந்துவிட்டன. சிறுநீரக தான மையத்தில் சிறுநீரகம் வேண்டி விண்ணப்பித்து இருந்தார்.

லூபுஸ் நோயினால் தாக்கப்பட்டிருந்ததால் 2.2 கோடிப் பேரில் ஒருவரது சிறுநீரகம் மட்டுமே லூசிக்குப் பொருந்தும். அதனால் அவருக்கு உரிய சிறுநீரகம் கிடைப்பதில் தாமதமாகிக் கொண்டே போனது.