புரொமோஷன் இல்லாம வெளியாகி படம் வெற்றி பெற்றதற்கு கதைதான் காரணம்!

‘அயோத்தி’ படத்தின் மூலம் நிறைய பாராட்டுகளையும் தமிழ்ச் சினிமாவில் தனி முத்திரையையும் பதித்திருக்கிறார் அறிமுக இயக்குநர் மந்திரமூர்த்தி. தியேட்டர்களில் ஐம்பது நாட்கள் வெற்றிகரமாக ஓடி ரசிகர்களின் அன்பில் நனைந்திருக்கிறது ‘அயோத்தி’.

- ஆர்.சந்திரசேகர்

ஆனால், அதைப்பற்றியெல்லாம் எந்த அலட்டலும் காட்டாமல் அடுத்து படம் பண்ணும் வேலைகளில் பிஸியாக இருக்கிறார் மந்திரமூர்த்தி.

‘‘ஹிட்டாகும்னு நம்பிக்கை இருந்தது. ஆனா, இவ்வளவு தூரம் கொண்டாடுவாங்கனு எதிர்பார்க்கல. இப்படி நல்லதொரு படம் எடுத்திருக்கிறோம்னு சந்தோஷமா இருக்கு. மக்களுக்கும், பத்திரிகைகளுக்கும் நன்றி சொல்லிக்கிறேன். தொடர்ந்து நல்ல படங்கள் எடுக்க முயற்சிப்பேன்...’’ என சாந்தமாக சொல்கிறார் மந்திரமூர்த்தி.  

‘அயோத்தி’ எப்படி உருவானது?

எமோஷனல் சப்ஜெக்ட். சமீபத்துல அதிகமா இதுமாதிரி படம் வரல. அதுமாதிரி ஒரு கதை பண்ணலாம்னு முடிவு செய்தேன். வெற்றிமாறன் சார் போன்றவர்கள் எழுத்தாளர்களிடம் கதையை வாங்கி  படமெடுக்கிறார்கள். மலையாள இண்டஸ்ட்ரிலயும் எழுத்தாளர்கள்கிட்ட கதையை வாங்கிதான் பெரும்பாலான இயக்குநர்கள் படம் பண்றாங்க. நாமும் ஏன் அப்படி பண்ணக்கூடாதுனு தோணுச்சு.

அப்பதான் எழுத்தாளர் எஸ்.ராமகிருஷ்ணன் சாரோட சந்திப்பு கிடைச்சது. அவரிடம் கதைகள் கேட்டேன். அவர், நிறைய கதைகள் சொன்னார். அதுல ஒண்ணுதான், ‘அயோத்தி’. நான் நினைச்ச எமோஷனல் சப்ஜெக்ட் அதுல இருந்துச்சு. அவர் கதைக்கு ஐடியா மட்டும்தான் கொடுத்தார்.

நான் திரைக்கதை எழுத நிறைய ட்ராவல் செய்தோம். அப்பதான், இறந்த உடலை விமானத்தில் அனுப்ப 7 சர்டிபிக்கேட் தேவை... இதையெல்லாம் வாங்கிய பிறகுதான்  இறந்தவர் உடலை விமானத்தில் அனுப்பி வைக்க முடியும்னு தெரிஞ்சுது.

எஸ்.ரா சார் கதையை வாய்மொழியாதான் சொன்னார். அதுக்கு திரைக்கதை பண்ணும் போதுதான் எம்பாமிங், மார்ச்சுவரி, கார்கோ போலீஸ் ஸ்டேஷன், ரூல்ஸ் அண்ட் ரெகுலேஷன் சர்டிபிக்கேட் எல்லாம் தேவைனு தெரிஞ்சது. இதையெல்லாம் வாங்கினபிறகு, இறந்தவர் உடலை சொந்த ஊரு அனுப்பி வைப்பதாகக் கதையைப் பண்ணினோம். இதுவரைக்கும் தமிழ் சினிமாவில் சொல்லப்படாத கதையா இது விரிந்தது அப்படித்தான்.

உண்மைச் சம்பவத்தைத் தழுவினதா?