ஆனாலும் ஹீரோயினா நடிக்கறேன்!

குறுகிய காலத்தில் ரசிகர்களின் மனதில் இடம் பிடித்தவர், ஷிவதா. ‘நெடுஞ்சாலை’, ‘அதே கண்கள்’ உட்பட தமிழில் சில படங்களே நடித்திருந்தாலும் மலையாளத்தில் மம்மூட்டியைத் தவிர்த்து மற்ற முன்னணி ஹீரோக்களுடன் டூயட் பாடியவர்

- எஸ்.ராஜா

இப்போது ஜெய், ஐஸ்வர்யா ராஜேஷ் காம்போவில் அவர் நடித்த ‘தீராக் காதல்’ வெளியாகியுள்ளது. ‘தீராக் காதல்’, சினிமா பயணம், திருமண வாழ்க்கை என தன்னுடைய மினி பயோபிக்கை நம்மிடம் பகிர்ந்து கொண்டார் ஷிவதா.

‘தீராக் காதல்’ படத்துக்குள்ள ‘வந்தனா’வா நீங்க வந்த கதை?

இயக்குநர் ரோகின் சாருடன் ஏற்கனவே ‘அதே கண்கள்’ பண்ணியிருந்தேன். அந்தப் பழக்கத்துல இந்தப் படம் ஆரம்பிச்ச சமயத்துல, ‘வந்தனா என்ற கேரக்டருக்கு நீங்க பண்ணா சரியா இருக்கும். ‘அதே கண்கள்’ படத்துல வந்த  வசுந்தரா கேரக்டரைவிட வித்தியாசமா இருக்கும்’னு சொன்னார். அதுமட்டுமே காரணம் இல்லை. ரோகின் சாருடன் வேலை செய்ய எனக்குப் பிடிக்கும். அவருடைய படங்களில் கேரக்டர்கள் வலுவாக இருக்கும். அப்படி விரும்பி பண்ணிய படம்தான் ‘தீராக் காதல்’.

ஜெய், ஐஸ்வர்யா ராஜேஷ் காம்பினேஷன்ல நடிச்ச அனுபவத்தைப் பற்றி சொல்லுங்க?

ஜெய், ஐஸ்வர்யா ராஜேஷ் இருவருடன் படம் பண்ணுவது இதுதான் முதல் முறை. அவர்களுடன் ஒப்பிடும்போது என்னுடைய சினிமா அனுபவம் குறைவுதான். அவர்களுடன் சேர்ந்து பணியாற்றியபோது எனக்கான முழு சுதந்திரம் இருந்துச்சு.

எப்போதும் இருவரும் கலகலப்பா இருப்பாங்க. அவங்க இருக்கிற இடத்துல ஜாலிக்கு பஞ்சமே இருக்காது. சீன் பேப்பர் எங்கிட்ட வந்ததும் தேர்வு எழுதும் மாணவியா மாறி ரெடியாயிடுவேன். ஆனா, அவங்க எப்போதும்போல் ஜாலியா இருக்கிற மாதிரி தெரியும். ஷாட்  சொன்னதும் சீரியஸான காட்சியா இருந்தாலும் சரி, சிம்பிளான காட்சியா இருந்தாலும் சரி பிரமாதமான நடிப்பால் ஆச்சர்யப்படுத்துவாங்க.

அவங்களுடைய அந்த நடிப்பை ரொம்பவே ரசிச்சேன். ஐஸ்வர்யா என்னிடம் மலையாள இண்டஸ்ட்ரியைப் பற்றி பேசுவாங்க. நீண்ட நாள் பழகிய தோழியைப் போல் நட்பு பாராட்டினாங்க. இருவருடைய ஆதரவும் சிறப்பு.

ஒவ்வொரு படத்திலும் வித்தியாசமான கேரக்டர் என்று எப்படி அடையாளம் கண்டு படங்களை தேர்வு செய்கிறீர்கள்?