இட்லி + சாம்பார் ரொம்பப், பிடிக்கும்!

‘‘ஐ ஹேட் லவ்... நீ என் மேல வெச்சிருக்கற ஃபீலிங்ஸ் மாறும்னு நான் நிரூபிச்சுக் காட்டறேன்...’’ சொல்லிக் கொண்டே ஸ்டைலாக சிகரெட் அடிக்கும் திவ்யான்ஷா கௌஷிக்தான் லேட்டஸ்ட் டிரெண்டிங் கேர்ள்.

- ஷாலினி நியூட்டன்

‘மைக்கேல்’, ‘டக்கர்’ படங்களின் மூலம் தமிழுக்கு வந்திருக்கும் தில்லி புயல். ‘‘சின்ன வயசுல இருந்தே நடிப்புதான் எல்லாம். அதனாலயே மும்பை வந்து செட்டிலானேன்...’’ கண்கள் படபடக்கப் பேசுகிறார் திவ்யான்ஷா.

துறுதுறுன்னு இருக்கீங்களே..? சின்ன வயதில் இருந்தே இப்படித்தானா..?

ஆமா. கொஞ்சம் ஹைப்பர் ஆக்டிவ் கிட்தான் நான். படிச்சது இங்கிலீஷ் ஹானஸ்ட். யெஸ்... பெரும்பாலும் ஷேக்ஸ்பியர் கூடதான் என் காலேஜ் வாழ்க்கை முழுக்க போனது!

அம்மா அஞ்சு கௌஷிக், மேக்கப் ஆர்ட்டிஸ்ட். அப்பா - அம்மா ரெண்டு பேருமே சின்ன வயதில் பிரிஞ்சுட்டாங்க. அம்மாதான் சிங்கிள் மதரா என்னை வளர்த்தாங்க. அப்பாநான் சின்ன வயதா இருக்கும்போதே இறந்திட்டார்.

எப்பவுமே தைரியமா இருக்கணும்னு அம்மா சொல்லிச் சொல்லி வளர்த்ததால எங்கயும் தைரியமா நின்னு பேசுவேன். எனக்கு என்ன பிடிக்குமோ அதைத்தான் செய்வேன். மனசு சொல்றதைக் கேட்டு நடக்குற பொண்ணு.

சினிமா ஆர்வம் எங்க, எப்படி ஆரம்பிச்சது?

அம்மா சினிமாவில் செலிபிரிட்டி மேக்கப் ஆர்ட்டிஸ்ட். நிறைய ஹீரோயின்கள்கூட வேலை செய்திருக்காங்க. அதிகமா ராணி முகர்ஜி மேடம் கூடதான் மேக்கப் ஸ்டைலிங் எல்லாம் இருக்கும்.

ஸ்கூல் லீவு விட்டாலே அம்மா கூடதான் இருப்பேன். சினிமா, ஷூட்டிங், ஷோஸ்னு பார்த்துப் பார்த்து சினிமா மேலே ஆர்வம் வந்திடுச்சு. மேலும் யாஷ் ராஜ் ஃபிலிம்ஸ்ல ப்ரொடக்‌ஷன் காஸ்டிங்ல இன்டர்ன்ஷிப்கூட செய்தேன். அங்க எப்படி நடிக்கணும், எந்தெந்த ஆங்கிள்கள்ல எப்படி நிக்கணும்னு பயிற்சி கொடுத்தாங்க. அப்பகூட சினிமா ஹீரோயின்னு எல்லாம் யோசிக்கல. ஆனா, என்னுடைய கரியர் சினிமாதான்னு முடிவு செய்திருந்தேன்.

முதல் பட அனுபவம் பற்றி சொல்லுங்க?