30 வருடங்களுக்குப் பிறகு கான் விழாவில் இந்தியப் படம்!

இந்திய திரைத்துறையில் சமீப காலங்களில் கவனிக்கத்தக்க பெண் இயக்குநர்கள் உருவாகி வருகிறார்கள்.

பெண் இயக்குநர்கள் உருவாக்கும் படங்களில் அவர்கள் கதைக்கும், பாத்திரங்களுக்கும் அளிக்கும் டிரீட்மெண்ட் தனித்தன்மையான அடையாளத்துடன் இருக்கிறது. இது நல்ல விஷயம். இலக்கியத்தில் கொண்டு வரக் கடினமான பெண் மையப் பார்வை திரைப்படங்களில் எளிதில் கைகூடுகிறது.இப்போது மும்பையைச் சார்ந்த பாயல் கபாடியாவும் இந்த வரிசையில் சேர்ந்திருக்கிறார்.  

அவர் எழுதி இயக்கிய ‘All We Imagine as Light’ ஃபிரான்சில் நடந்த கான் திரைப்பட விழாவில் Grand Prix விருதை வென்றிருக்கிறது. முப்பது வருடங்கள் கழித்து ஓர் இந்திய திரைப்படம், கான் விழாவில் விருது பெற்றிருப்பது குறிப்பிடத்தகுந்தது. அதுமட்டுமல்ல, இந்த மதிப்புமிக்க திரைப்பட விழாவின் இரண்டாவது பெரிய விருதான ஜூரி விருது அல்லது கிராண்ட் பிரிக்ஸ் எனும் விருதையும் இப்படம் வென்றுள்ளது.கான் திரைப்பட விழாவில் பாயல் கபாடியாவின் படம் முடிந்ததும், பார்வையாளர்கள் எட்டு நிமிடங்கள் எழுந்து நின்று கைதட்டினர். கேரளாவில் இருந்து வந்து மும்பையில் வசிக்கும் செவிலியர்களின் வாழ்க்கையை மையமாக வைத்து எடுக்கப்பட்டது இந்த திரைப்படம்.