മാളികപ്പുറം

ഉണ്ണിമുകുന്ദനെ നായകനാക്കി നവാഗതനായ വിഷ്ണു ശശിശങ്കർ സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ആരംഭിച്ചു

മലയാളത്തിലെ രണ്ട് പ്രബല നിർമ്മാണ കമ്പനികൾ ചേർന്നാണ് മാളികപ്പുറം നിർമ്മിക്കുന്നത്. ആന്റോ ജോസഫിന്റെ ഉടമസ്ഥതയിലുള്ള ആൻ മെഗാ മീഡിയയും വേണു കുന്നപ്പിള്ളിയുടെ ഉടമസ്ഥതയിലുള്ള കാവ്യ ഫിലിം കമ്പനിയും ചേർന്ന് നിർമ്മിക്കുന്ന ഈ ചിത്രത്തിന്റെ പൂജ എരുമേലി ശ്രീധർമ്മശാസ്താ ക്ഷേത്രത്തിൽ വച്ച് നടന്നു.

ചിത്രത്തിന്റെ സ്വിച്ച് ഓൺ കർമ്മം തിരുവിതാം കൂർ ദേവസ്വം ബോർഡ് പ്രസിഡന്റ് കെ. അനന്ത ഗോപൻ നിർവ്വഹിച്ചു. എസ്.സുദർശൻ ഫസ്റ്റ് ക്ലാപ്പ് അടിച്ചു. രാഹുൽ ഈശ്വർ, സന്ദീപ് വാര്യർ എന്നീ പ്രമുഖ വ്യക്തികൾ ചിത്രത്തിന്റെ പൂജാവേളയിൽ പങ്കെടുത്തു.