ആത്മവിശ്വാസം കൂടെയുണ്ട്..വിജയ്ബാബു

നിർമ്മാതാവ്, നടൻ എന്നീ നിലകളിൽ മലയാളസിനിമയിൽ നിറഞ്ഞു നിൽക്കുന്ന താരമാണ് വിജയ്ബാബു, ഫ്രൈഡേ ഫിലിം ഹൗസിൽ പിറന്ന നിരവധി ചിത്രങ്ങൾ മലയാള സിനിമയുടെ ഹിറ്റ് ചാർട്ടുകളിൽ ഇടം പിടിച്ചിട്ടു ള്ളവയാണ്. എങ്കിലും ചന്ദ്രികേ എന്ന പേരിലൊതുങ്ങുന്ന പുതിയ സിനിമയു മായിട്ടാണ് വിജയ് ബാബു ഇപ്പോൾ മലയാളികൾക്ക് മുന്നിലെത്തുന്നത്. നീണ്ട ഒരു ഇടവേളയ്ക്കുശേഷം കരിയറിലും സ്വകാര്യജീവിതത്തിലും സംഭവിച്ച അപ്രതീക്ഷിതമായ മാറ്റങ്ങളെക്കുറിച്ച് വിജയ്ബാബു മനസ്സ് തുറക്കുന്നു.

- അപ്പൂസ് കെ.എസ്

ഹിറ്റ് സിനിമകളുടെ പവർഹൗസ് ആയ ഫ്രൈഡേ ഫിലിംസിനെക്കുറിച്ച് ഫ്രൈഡേ ഫിലിംസിനെ അങ്ങനെ ഹിറ്റ് സിനിമകളുടെ  പവർഹൗസ് എന്ന് ഞാൻ പറയില്ല. ഉള്ളടക്കമുള്ള സിനിമകളുടെ പവർഹൗസ്  എന്ന് വിളിക്കാനാണ് എനിക്കിഷ്ടം. ഹിറ്റിൽ ശ്രദ്ധിക്കാതെ സ്ക്രിപ്റ്റുകൾ ശ്രദ്ധിച്ച് സിനിമ എടുക്കാനാണ് കൂടുതലും താൽപ്പര്യം. അതിൽ എല്ലാ സിനിമകളും വിജയിച്ചിട്ടുമില്ല. ലാഭവും നഷ്ടവും ഞങ്ങൾക്കുണ്ടായിട്ടുണ്ട്.

നഷ്ടമില്ലാതെ ഒരു സിനിമ നിർമ്മിക്കുന്നത് ഭാഗ്യമാണോ?

ഒരു സിനിമ ചെയ്യുമ്പോൾ അതിൽ ഉൾപ്പെടുത്തിയിരിക്കുന്ന ബഡ്ജറ്റ് അനുസരിച്ചാണ് പ്ലാൻ ചെയ്യുക. ആ ചിത്രം ബ്ലോക്ക് ബസ്റ്റർ ആവണമെന്നില്ല. പക്ഷേ സിനിമ തിയേറ്ററിൽ എത്തുന്നതിന് മുമ്പുതന്നെ നമുക്ക് ലാഭത്തിനെക്കുറിച്ചുള്ള കൃത്യമായ ധാരണ വേണം. ആദ്യസിനിമയെ ഒരു പ്രോഡക്ട് ആയി കൈകാര്യം ചെയ്യാം. അതിനെ വേണ്ടവിധത്തിൽ പ്ലേസ് ചെയ്യുക, പ്രസ് ചെയ്യുക, മാർക്കറ്റ് ചെയ്യുക. ഇതാണ് കൃത്യമായ സൂത്രവാക്യം. സിനിമ ഒരു പ്രോഡക്ട് ആയതുകൊണ്ട് അതിനെ വൃത്തിയായി മാർക്കറ്റ് ചെയ്യാൻ അറിയണം. തെരഞ്ഞെടുക്കുന്ന സ്ക്രിപ്റ്റ് നന്നായിരിക്കണം. ആ സ്ക്രിപ്റ്റിനെ വീണ്ടും ഫിൽറ്റർ ചെയ്യണം. വൃത്തിയായ മാർക്കറ്റ് ചെയ്യാൻ പറ്റുന്ന ഒരു പ്രോഡക്ട് ആക്കിയെടുക്കണം. പിന്നീടുള്ളത് റിലീസ് ചെയ്യുന്ന സമയമാണ്. ഒരിക്കലും ഒരു ഹൊറർ പടം ഫെസ്റ്റിവൽ സീസണിൽ കൊണ്ടുപോയി റിലീസ് ചെയ്യരുത്. റിലീസിന് കൃത്യമായ സമയം തെരഞ്ഞെടുക്കാൻ നിർമ്മാതാവിന് കഴിയണം. സിനിമയുടെ ഉള്ളടക്കത്തിന് ആവശ്യമുള്ള പ്രൊമോഷൻ മാത്രം കൊടുക്കുക. അനാവശ്യമുള്ള ഹൈപ്പുകൾ ഒഴിവാക്കുക. ആവശ്യമുള്ള തുക മാത്രം സിനിമാനിർമ്മാണത്തിന് എടുക്കുക. അനാവശ്യ ചെലവുകൾ ഒഴിവാക്കുക. ഇതൊക്കെ ഒത്തു  ചേർന്നാൽ ബഡ്ജറ്റ് ഫ്രണ്ട്ലിയായി ലാഭത്തിൽ തന്നെ നമുക്ക് ഒരു സിനിമയെടുക്കാം.

പുതുമുഖ സംവിധായകർക്ക് അവസരങ്ങൾ ഒരുക്കുകയാണല്ലോ ഫ്രൈഡേ ഫിലിം ഹൗസ്?