നീരജ വൈറലാണ്

നീരജ മനസ്സ് തുറന്നു

- എ.എസ്. ദിനേശ്

നിങ്ങളുടെ ഇണ നഷ്ടപ്പെട്ടാൽ അതോടൊപ്പം നിങ്ങളുടെ ആഗ്രഹങ്ങളും മരിക്കുന്നുണ്ടോ?

വളരെ വൈകാരികവും സങ്കീർണ്ണവുമായ ഈ ചോദ്യത്തിനുള്ള ഉത്തരം ഏത് കാലത്താണെങ്കിൽ പോലും, ആണ് പറഞ്ഞാൽ മാന്യമാവുകയും പെണ്ണുപറഞ്ഞാൽ മോശമാവുകയും ചെയ്യുന്ന സാഹചര്യമാണ് നിലവിലുള്ളത്.

ഈ സാഹചര്യമുറിയ്ക്കുള്ളിൽ മൗനത്തിലമർന്ന് വിതുമ്പുന്ന സ്ത്രീകൾക്കായി മനസ്സ് തുറക്കുകയാണ് വിധവയും യുവതിയുമായ നീരജ. തന്റെ ശാരീരികമായ ആവശ്യങ്ങളെക്കുറിച്ച് വളരെ പക്വതയോടെ നീരജ സംസാരിച്ചപ്പോൾ അനുഭവിക്കേണ്ടി വരുന്ന ഒറ്റപ്പെടലിന്റെയും അവഗണനയുടെയും മുറിപ്പാടുകളിൽ നിന്നും ഉത്തരം തേടുന്ന   ചിത്രമാണ് നീരജ, നവാഗതനായ രാജേഷ് കെ. രാമൻ തിരക്കഥയെഴുതി സംവിധാനം ചെയ്ത് പ്രദർശനശാലകളിലെത്തിയ നീരജ ഒരേ സമയം പ്രേക്ഷകരെ ചിന്തിപ്പിക്കുകയും രസിപ്പിക്കുകയും ഒപ്പം അത്ഭുതപ്പെടുത്തുകയും ചെയ്യുന്നു.