അഭിനേതാക്കൾക്ക് വേണ്ടത് നിരീക്ഷണപാടവം ഹേമന്ത് മേനോൻ.

ഭാവന എന്റെ ഏറ്റവുമടുത്ത നിൽക്കുന്ന സുഹൃത്തുക്കളിൽ ഒരാളാണ്

- അപ്പൂസ് കെ.എസ്

നായകനായും സഹനടനായും മലയാളസിനിമയിൽ ശ്രദ്ധ നേടിയെടുത്ത താരമാണ് ഹേമന്ത് മേനോൻ, ഡോക്ടർ ലവ് എന്ന ചിത്രത്തിലൂടെയാണ് താരം പ്രേക്ഷകർക്കിടയിൽ സുപരിചിതനാവുന്നത്. പിന്നീടങ്ങോട്ട് ചട്ടക്കാരി, ഓർഡിനറി, ചാപ്റ്റേഴ്സ്, തോംസൺ വില്ല, അയാളും ഞാനും തമ്മിൽ, പോക്കിരി സൈമൺ, തെങ്കാശികാറ്റ്, സല്യൂട്ട് തുടങ്ങി ഒരു പിടി നല്ല ചിത്രങ്ങളുടെ ഭാഗമാവുകയും ചെയ്തു ഹേമന്ത്. ഇന്ന് മലയാളത്തിൽ മാത്രമല്ല അന്യ ഭാഷകളിലും ഹേമന്ത് സജീവമാണ്. 2019 ലായിരുന്നു ഹേമന്ത് വിവാഹിതനായത്. വധു നിലീനമധു യുകെയിൽ ജോലി ചെയ്യുകയാണ്.

കരിയറിലെ വഴിത്തിരിവായ “ഡോക്ടർ ലവ്' എന്ന ചിത്രത്തെ ക്കുറിച്ച്

ഡോക്ടർ ലവ് എന്ന ചിത്രത്തിൽ അഭിനയിക്കുമ്പോൾ എനിക്ക് 19 വയസ്സ് മാത്രമേയുണ്ടായിരുന്നുള്ളൂ. അന്ന് ഓരോ സീനുകളും ഫാസിൽ സാറായിരുന്നു. എനിക്ക് അഭിനയിച്ച് കാണിച്ചു തന്നിരുന്നത്. അന്ന് കൂടെ അഭിനയിച്ചവരൊക്കെ സീനിയർ താരങ്ങൾ ആയിരുന്നു. കുറച്ച് ടെൻഷനോട് കൂടി തന്നെയാണ് ഞാൻ ആ സെറ്റിൽ നിന്നിരുന്നത്. പക്ഷേ എല്ലാവരും എന്നെ ഒരുപാട് ഹെൽപ് ചെയ്തിട്ടുണ്ട്. ഒരുപാട് നല്ല അനുഭവങ്ങളായിരുന്നു ആ ചിത്രം സമ്മാനിച്ചത്.

ഡോക്ടർ ലവ്വിനുശേഷം നടി ഭാവനയുമായുള്ള സൗഹൃദത്തെ ക്കുറിച്ച്

ഭാവന എന്റെ ഏറ്റവുമടുത്ത നിൽക്കുന്ന സുഹൃത്തുക്കളിൽ ഒരാളാണ്. ചിത്രത്തിന്റെ ഷൂട്ടിംഗ് സമയത്തുണ്ടായിരുന്ന ഫ്രണ്ട്ഷിപ്പ് ഞങ്ങൾ ഇപ്പോഴും നിലനിർത്തുന്നുണ്ട്. വളരെ സിമ്പിളായ, എളിമയുള്ള വ്യക്തിയാണ് ഭാവന. സിനിമയുടെ ഭ്രമം തലയ്ക്ക് പിടിക്കാത്ത ഒരാൾ കൂടിയാണ്. നമ്മൾ എന്തുകാര്യം പറഞ്ഞാലും അത് പൂർണ്ണ മനസ്സോടു കൂടി ചെയ്തുതരുന്ന എടാ പോടാ കീപ്പ് ചെയ്യുന്ന എന്റെയൊരു നല്ല സുഹൃത്താണ് ഭാവന.