വിവേകാനന്ദൻ വൈറലാണ്

ഓർമ്മച്ചിറകുകളിലേറി കമൽ

- ജി. കൃഷ്ണൻ

വിവേകാനന്ദൻ ഒരു ചെറുപ്പക്കാരനാണ്. ഒരു ഹൈറേഞ്ച് പ്രദേശത്ത് ജനിച്ചു വളർന്ന വിവേകാനന്ദൻ എറണാകുളം നഗരത്തിലാണ് ജോലി ചെയ്യുന്നത്.

ആഴ്ചയിൽ ഒരിക്കൽ ശനിയാഴ്ചയോ ഞായറാഴ്ചയോ വീട്ടിലെത്തും. തിങ്കളാഴ്ച വീണ്ടും എറണാകുളത്തേയ്ക്ക് പോകും.

വിവേകാനന്ദന് ഭാര്യയും കുട്ടിയുമുണ്ട്. നാട്ടിൽ ഗ്രാമപ്രദേശത്ത് നിൽക്കുമ്പോഴത്തെപ്പോലെയല്ല വിവേകാനന്ദന്റെ എറണാകുളത്തെ ജീവിതം. തികച്ചും വിഭിന്നമാണ്. ചില പ്രത്യേകതകളുള്ള മനുഷ്യനാണ് വിവേകാനന്ദൻ. ജോലിയിൽ വളരെ ശ്രദ്ധാലുവാണ്. സഹപ്രവർത്തകരോട് നല്ല പെരുമാറ്റം. ആർക്കും അയാളെ ഇഷ്ടപ്പെടും. അയാൾക്ക് അയാളുടേതായ ഒരു ജീവിതശൈലി തന്നെയുണ്ട്. അയാൾക്ക് അയാളുടെ പേഴ്സണൽ ലോകത്തിലേക്ക് മറ്റാരെയും കടത്തിവിടാൻ താൽപ്പര്യമില്ല.

വിവേകാനന്ദൻ തന്റെ ജീവിതത്തിലൂടെ കടന്നുപോകുമ്പോൾ അയാൾക്ക് നേരിടേണ്ടി വരുന്ന ചില പ്രശ്നങ്ങളുണ്ട്. വളരെ സെൻസിറ്റീവായ ഒരു പ്രശ്നത്തിനു മുമ്പിൽ അയാൾ എത്തപ്പെടുന്നു. അതേസമയം വളരെ സോഷ്യൽ പൊളിറ്റിക്കലായിട്ടുള്ള ഒരു ഇഷ്യൂവിലേക്ക് വഴുതി വഴുതി അയാൾ ചെന്നുപെടുന്നുണ്ട്. സ്ത്രീകളുടെ ചില അവകാശങ്ങളുമായി ബന്ധപ്പെട്ടുള്ള പ്രശ്നങ്ങളിലേക്ക് കടക്കുന്നതോടെ സങ്കീർണ്ണമാകുകയാണ് കാര്യങ്ങൾ. ഒന്നും രണ്ടുമല്ല, പ്രധാനമായും അഞ്ച് സ്ത്രീകളുടെ കാര്യങ്ങളുമായി വിവേകാനന്ദൻ മുന്നോട്ടുപോകുന്നുണ്ട്.

അയിഷ, സിത്താര, ഡയാന എന്നിവരാണ് പ്രധാനമായും വരുന്നത്.

വിവേകാനന്ദനായി അഭിനയിക്കുന്നത് ഷൈൻ ടോം ചാക്കോയാണ്.

വൈറലാകുന്ന വിവേകാനന്ദൻ ഷൈൻ ടോമിൽ ഭദ്രമാണെന്ന് സംവിധായകൻ കമൽ പറഞ്ഞു.