പോസിറ്റിവ് ടേണിംഗ് പോയിന്റ്സ് സുചിത്ര

ജീവിതത്തിലും എന്റെ കരിയറിലും എന്റെ തുടക്കകാലം തോട്ട് ഏറ്റവും കൂടുതൽ സപോർട്ട് ചെയ്യുന്നത് എന്റെ ടീച്ചറാണ്. ഡോ.നീനപ്രസാദ്. എന്റെ കരിയറിലേക്ക് ഏറ്റവും വലിയൊരു വഴിത്തിരിവ് അല്ലെങ്കിൽ വഴികാട്ടി എന്നു പറയുന്നത് എന്റെ ടീച്ചറാണ്. എന്തു കാര്യവും ഞാനാദ്യം പറയുന്നത് എന്റെ ടീച്ചർ ഡോ. നീന പ്രസാദിനോടാണ്.

- പ്രതീഷ് ശേഖർ

മലൈക്കോട്ടെ വാലിബനിലെ സുചിത്രയുടെ മാതംഗി എന്ന കഥാപാത്രത്തെ അവതരിപ്പിക്കാൻ എന്തൊക്കെ തയ്യാറെടുപ്പുകൾ ആണ് നടത്തിയത് ?

എനിക്ക് ആദ്യം അറിയാവുന്നത് മാതംഗി എന്ന പേരുമാത്രമായിരുന്നു. ഈ സിനിമയിൽ ഒരു ചെറിയ പോർഷനെ ഉള്ളൂ എങ്കിൽ പോലും അത് അത്രയും പ്രാധാന്യമുള്ള ഒരു വേഷം എന്ന് മാത്രമാണ് ഞാൻ അറിഞ്ഞത്. എന്നെ ഏറ്റവും കൂടുതൽ മൂവിയിലേക്ക് അടുപ്പിച്ചത് ലിജോസാറിന്റെ മൂവി, ലാലേട്ടൻ ഹീറോ ഇതായിരുന്നു. ഇത്രയും വലിയ ഒരു ബാനർ. ഇങ്ങനെ ഒരു സബ്ജക്ട് എനിക്ക് കിട്ടുന്നത് എന്ന് പറയുന്നത് തന്നെ ഒരു ഭയങ്കര ഭാഗ്യമായി കാണുന്നുണ്ടായിരുന്നു. പക്ഷേ ഇപ്പോൾ ഓരോരുത്തരും സിനിമ കണ്ടിട്ട് എന്നെ വിളിച്ചു പറയുമ്പോൾ ശരിക്ക് ഒരുപാട് സന്തോഷം തോന്നുന്നുണ്ട്. കുറച്ചേ ഉള്ളുവെങ്കിൽ പോലും ഒരുപാട് ഇഷ്ടമായി ആ ഒരു പോർഷൻ. ശരിക്കും പറഞ്ഞാൽ മാതംഗി എന്ന കഥാപാത്രത്തെക്കുറിച്ച് അധികം പറഞ്ഞിട്ടുണ്ടായിരുന്നില്ല. അതുകൊണ്ട് പ്രത്യേകിച്ച് തയ്യാറെടുപ്പുകൾ എടുക്കേണ്ടി വന്നില്ല.

ഇതിനുമുന്നേ സിനിമാ ഓഫറുകൾ വന്നിരുന്നോ ?

എനിക്ക് ഇതിനുമുന്നേ സിനിമയിൽ നിന്നും ഓഫർ വന്നിട്ടുണ്ട്. ഇല്ലായെന്നു പറയുന്നില്ല. പക്ഷേ കുറെ കാരണങ്ങളാൽ എനിക്കത് ചെയ്യാൻ സാധിച്ചില്ല. ഇങ്ങനെ ഒരു മൂവിയിൽ ഒരു ഭാഗമാകാൻ വേണ്ടി ചിലപ്പോൾ ഈശ്വരനായിട്ട് തട്ടി മാറ്റിയതായിരിക്കാം. ഇനി അങ്ങോട്ട് എനിക്ക് കുറെ ഓഫേർസ് വരുന്നുണ്ട്. തുടക്കം ഇത്രയും വലിയ ഒരു കൂട്ടായ്മയുടെ കൂടെ ഇത്രയും വലിയൊരു ഗ്രൂപ്പിന്റെ കൂടെ സ്റ്റാർട്ട് ചെയ്യാൻ പറ്റിയതിൽ എനിക്ക് ഒരുപാട് സന്തോഷമുണ്ട്.

സിനിമ കണ്ടതിനു ശേഷം പ്രേക്ഷകരുടെ ഭാഗത്തു നിന്ന് ലഭിച്ച അഭിപ്രായങ്ങളിൽ മനസ്സിൽ തട്ടിയത് ആരുടേതായിരുന്നു ?

ഒരുപാട് പേര് എന്നെ വിളിച്ചു. എന്റെ ടീച്ചർ എന്നെ വിളിച്ചു. ടീച്ചർ വിളിച്ചിട്ട് പറഞ്ഞു മോളെ നീ ചെയ്ത കുറച്ച് പോർഷൻ ആണെങ്കിലും നീയത് വളരെ ഭംഗിയായി ചെയ്തു എന്ന് പറഞ്ഞുകേട്ടപ്പോൾ വളരെ സന്തോഷം തോന്നി. ചെറിയ മിസ്റ്റേക്ക് ആണെങ്കിൽ പോലും അത് തുറന്നു അടിച്ച് പറയുന്ന ഒരാളാണ് എന്റെ ടീച്ചർ ഡോ.നീനപ്രസാദ്. ടീച്ചറിന്റെ അഭിനന്ദനം എന്നും ഹൃദയത്തിൽ സൂക്ഷിക്കും.

ടെലിവിഷൻ പ്രേക്ഷകരുടെ പ്രിയതാരം ആയിരുന്നു വാനമ്പാടി സീരിയലിലൂടെ, സീരിയൽ അഭിനയം നിർത്തിയ ശേഷം മനസ്സിലെ ആഗ്രഹം എന്തായിരുന്നു ?