ഞാൻ ഡബിൾ ഹാപ്പിയാണ്, നിങ്ങളോ...?

ആവേശത്തിലെ ബിബിമോന്റെ അമ്മ ഇവിടെയുണ്ട്

- ബിന്ദു പി.പി

ബിമോൻ ഹാപ്പിയാണ്. രംഗൻമോൻ ഹാപ്പിയാണ്. എല്ലാരും ഹാപ്പിയാണ്. ഒപ്പം ബിബിമോന്റെ അമ്മയും ഹാപ്പിയാണ്. ആവേശത്തിമർപ്പിൽ “ആവേശം മുന്നേറുമ്പോൾ ബിബി മോന്റെ അമ്മയും ആവേശത്തിമിർപ്പിലാണ്. ഒരു സിനിമ കണ്ടുകഴിഞ്ഞ് അതിലൊരു കഥാപാത്രം പ്രേക്ഷകർക്കൊപ്പം അങ്ങ് ഇറങ്ങിപ്പോവുന്നതിനോളം സന്തോഷം മറ്റെന്തുണ്ട്. 2016 മുതൽ നീരജ രാജേന്ദ്രൻ എന്ന അഭിനേത്രി മലയാള സിനിമയോടൊപ്പമുണ്ട്. തന്നിലെ അഭിനേത്രിയെ ഇത്രത്തോളം ആഘോഷമാക്കിയ മറ്റൊരു സമയം ഇല്ലെന്നു പറഞ്ഞുകൊണ്ട് ആവേശത്തിമിർപ്പിൽ നീരജ രാജേന്ദ്രൻ സംസാരിച്ചുതുടങ്ങി.

എങ്ങും ‘ആവേശമാണ്

ഇതിന് മുൻപൊന്നും അനുഭവിക്കാത്തതരം ആവേശത്തിലുടെയാണ് ഇപ്പോൾ ജീവിതം പൊയ്ക്കൊണ്ടിരിക്കുന്നത്. ബിബിമോന്റെ അമ്മയെ പ്രേക്ഷ കർ സ്വീകരിച്ച സന്തോഷം വന്നുനിറയുകയാണ്. ഒരുപാട് വിളികളും സന്ദേശങ്ങളും തേടിയെത്തുന്നു. സ്നേഹം അറിയിക്കുന്നു. ഫോൺ നിലത്ത് വയ്ക്കാൻ സമയമില്ലെന്ന് പറയുന്നതാവും ശരി. എല്ലാവർക്കും കണക്ട് ചെയ്യാൻ കഴിയുന്ന കഥാപാത്രമായതു കൊണ്ട് തന്നെ കാണുന്ന എല്ലാവർക്കും ബിബിമോന്റെ അമ്മയെ ഇഷ്ടപ്പെടും. അഭിനയിച്ചു കൊണ്ടിരിക്കുന്ന സമയത്ത് ഈ കഥാപാത്രം ഇത്രമാത്രം ശ്രദ്ധിക്കപ്പെടുമെന്നൊന്നും കരുതിയിരുന്നില്ല. ഇപ്പോൾ കിട്ടുന്ന പ്രതികരണം കാണുമ്പോൾ അത്രമാത്രം സംതൃപ്തി നൽകുന്നുണ്ട്. ജിത്തുവിനൊപ്പം(ജിത്തുമാധവൻ) ഒരു പരസ്യചിത്രത്തിൽ നേരത്തെ അഭിനയിച്ചിട്ടുണ്ട്. രോമാഞ്ചമാണങ്കിലും ഒരുപാട് എൻജോയ് ചെയ്തു കണ്ട ചിത്രമാണ്. ജിത്തുവാണ് നമ്മുടെ ഒരു സിനിമ വരുന്നുണ്ടെന്നും അതിൽ ചേച്ചിക്ക് ഒരു റോൾ ഉണ്ടെന്നും പറയുന്നത്. ജിത്തുവിന്റെ കൂടെ വർക്ക് ചെയ്യാൻ സന്തോഷമാണ്. അങ്ങനെയൊരു അന്തരീക്ഷമാണ് ജിത്തുവിന്റെ സെറ്റിൽ. അതുകൊണ്ടുതന്നെയാണ് ഇത്രയും നന്നായി ചെയ്യാൻ കഴിഞ്ഞതെന്ന് വിശ്വസിക്കുന്നു.

ബിബിമോൻ എന്റെ മോനാണ്