ഓണം ഓർമ്മയിൽ ധനേഷ് ആനന്ദ്

സിനിമയിൽ വന്നതിനുശേഷം സെറ്റിൽ ഓണം ആഘോഷിക്കണം എന്നത് ഏതൊരു ആർട്ടിസ്റ്റും ആഗ്രഹിക്കുന്ന കാര്യമാണ്. അതു പോലെ ഞാനും ഒരുപാട് ആഗ്രഹിച്ചിരുന്നു, സെറ്റിൽ ഓണം ആഘോഷിക്കണ മെന്ന്. വർഷങ്ങൾ കുറച്ചായി ഇൻഡസ്ട്രിയിൽ ഉണ്ടെങ്കിലും കഴിഞ്ഞ വർഷമാണ് ഓണം സെറ്റിൽ ആഘോഷിക്കാനുള്ള അവസരം വരുന്നത്.

- ബിന്ദു പി.പി

സ്ക്കൂൾ കാലഘട്ടത്തിലെ ഓണാഘോഷവും പൂക്കളമത്സരത്തിന്റെ സ്പിരിറ്റും എല്ലാ മലയാളികളും അനുഭവിച്ച ഒരു കാര്യമായിരിക്കും. അങ്ങനെ സ്ക്കൂൾ ഓണാഘോഷത്തിൽ ഉണ്ടായ ഒരു രസകരമായ കഥയുണ്ട്. ചെറുതായി വരയ്ക്കും എന്നുള്ളതുകൊണ്ട് എന്ത് പൂക്കളത്തിന്റെ മുഴുവൻ ചുമതലയും ടീച്ചർ എന്നെ ഏൽപ്പിച്ചു. സംഭവം വെറൈറ്റി ആയി വേണമെന്നതും മറ്റ് ക്ലാസുകാർ ഇടുന്നതിനേക്കാൾ മികച്ചതാവണമെന്നാണ് ആ സമയങ്ങളിലെല്ലാം ഞങ്ങളുടെ പ്രധാന ചർച്ചാവിഷയം. എല്ലാ കുട്ടികളിൽ നിന്ന് കാശ് കളക്ട് ചെയ്തശേഷം പുറത്തു നിന്നും പൂക്കൾ വാങ്ങാനുമുള്ള ചുമതല ഞാൻ നൽകിയത് എന്റെ കൂട്ടുകാരന് ആയിരുന്നു. ഓണാഘോഷം നടക്കുന്ന അന്ന് നേരത്തെ പൂക്കൾ വാങ്ങി വരാൻ അവനെ പൈസയും ഏൽപ്പിച്ചു.