ഒരു തിരക്കഥാകൃത്തിന്റെ ജനനം

ആദ്യകൂടിക്കാഴ്ചയിൽ ഷെമീന പകർന്നു തന്ന ധൈര്യം ഇന്ന് എന്റെ എല്ലാ സിനിമകളുടേയും വിജയവും പിൻബലവുമായി മാറുന്നു.

- ജി. കൃഷ്ണൻ മാലം

ഒരു കുഞ്ഞിന്റെ ജനനം പോലെ...

ആ കുഞ്ഞ് വർത്തമാനം പറയുന്നതു വരെയുള്ള വളർച്ച പോലെയാണ് ഒരു സിനിമയുടെ തിരക്കഥ പൂർത്തിയാകുന്നതെന്ന് ഈയിടെ റിലീസായ 'ഔസേപ്പിന്റെ ഒസ്യത്ത്' എന്ന സിനിമയുടെ തിരക്കഥാകൃത്തായ ഫസൽ ഹസ്സൻ പറയുന്നു.

പ്രസിദ്ധീകരിച്ചുവന്ന തിരക്കഥകൾ വായിച്ചാൽ അത് എങ്ങനെ എഴുതാമെന്ന് മനസ്സിലാക്കാൻ കഴിയുമല്ലോയെന്ന് വിചാരിച്ച് പുസ്തകശാലയിൽ പോയി ഒന്നുരണ്ട് തിരക്കഥ വാങ്ങി. ഒന്ന്, സത്യൻ അന്തിക്കാടും ശ്രീനിവാസനും കൂടി ചെയ്ത 'സന്ദേശം' എന്ന സിനിമയുടെ തിരക്കഥയായിരുന്നു. മറ്റൊന്ന് രഞ്ജിത്തിന്റെ സ്പിരിറ്റ്' എന്ന സിനിമയുടേതും. ആ തിരക്കഥകൾ പൂർണ്ണമായും വായിച്ചുമനസ്സിലാക്കി.

എന്നിട്ട് ആ സിനിമകൾ കണ്ടു. എഴുതി വച്ചിരിക്കുന്ന തിരക്കഥ സിനിമാസ്ക്രീനിൽ വരുമ്പോൾ എങ്ങനെയുണ്ടാകുമെന്നുള്ള കാര്യങ്ങളെല്ലാം അങ്ങനെ മനസ്സിലാക്കുകയായിരുന്നു.