સાંસદની નશાથી મુક્તિની ચળવળ

જ્યાં સુધી લોકો જાગૃત નહીં થાય, નશાથી થતા નુકસાનથી ડરશે નહીં, ત્યાં સુધી તેઓ નશાથી દૂર નહીં થઈ શકે

- શૈલેન્દ્ર સિંહ

રાજ્યની મોહનલાલગંજ સંસદીય સીટ પરથી સાંસદ તરીકે ચૂંટાયેલા કૌશલ કિશોર ગરીબ અને નબળા લોકોની ભલાઈની રાજનીતિ કરતા રહ્યા છે. ઉત્તર પ્રદેશ સરકારમાં જ્યારે તેઓ મંત્રી હતા, ત્યારે મજૂરોની મદદ માટે શ્રમિક કાર્યાલય ચલાવતા હતા અને લોકોને નશા વિરુદ્ધ સમજાવતા હતા.

રાજકીય વ્યસ્તતાના લીધે તેઓ પોતાના ઘરપરિવારનું ધ્યાન એ રીતે રાખી શક્યા નહોતા, જે રીતે એક સામાન્ય પિતા રાખે છે. આ સ્થિતિમાં તેમનો એક દીકરો આકાશ કિશોર નશાનો બંધાણી બની ગયો હતો.

ખૂબ પ્રયત્ન કરવા છતાં તે નશાની આદતમાંથી મુક્ત થઈ શક્યો નહોતો અને સમયગાળા દરમિયાન આ ૨૯ ઓક્ટોબર, ૨૦૨૦ ના રોજ આકાશ કિશોરનું સારવાર દરમિયાન મૃત્યુ થઈ ગયું. તે સમયે તેમનો દીકરો આકાશ ૨૮ વર્ષનો હતો. તેની પત્ની શ્વેતા ૨૩ વર્ષની અને તેમનો દીકરો માત્ર ૨ વર્ષનો હતો.

આકાશ કિશોર પોતાના કેટલાક મિત્રોની સંગતમાં દારૂ પીવા લાગ્યો હતો. જોકે કૌશલ કિશોરને ૪-૫ વર્ષ પછી જાણ થઈ હતી કે તેમનો દીકરો દારૂડિયો બની ગયો છે.