કુસ્તીમાં ઘમસાણ નફરત ન તાફાન

વિનેશ ફોગાટ જ્યાં સુધી આ વાત પર પોતાનું સ્પષ્ટીકરણ ન આપે ત્યાં સુધી ભારતીય કુસ્તી મહાસંઘ આ બાબતે અંતિમ નિર્ણય ન લે, ત્યાં સુધી તેઓ કોઈ પણ નેશનલ અથવા ડોમેસ્ટિક ઈવેન્ટમાં ભાગ નહીં લઈ શકે

- સુનીલ શર્મા

વર્ષ ૨૦૨૨ માં યોજાયેલ ઓલિમ્પિક રમતમાં ભારતીય મહિલા પહેલવાન વિનેશ ફોગાટે ત્યાંના સ્પોર્ટ્સ વિલેજમાં રહેવા અને અન્ય ભારતીય ખેલાડી સાથે ટ્રેનિંગ લેવા ઈન્કાર કરી દીધો હતો. તેના આ નિર્ણય સાથે તેમણે ભારતીય ટીમના આધિકારિક પ્રાયોજક શિવનરેશની જર્સી પહેરવાનો પણ ઈન્કાર કરી દીધો હતો. તેમણે પોતાની બાઉટ્સ દરમિયાન નાઈકનો લોગો ધરાવતો ડ્રેસ પહેર્યો હતો.

ત્યાર પછી ભારતીય કુસ્તી મહાસંઘે વિનેશ ફોગાટને અસ્થાયી રૂપે નિલંબિત કરી દીધી અને તેમની બધી રેસલિંગ એક્ટિવિટી પ્રતિબંધિત કરી દીધી હતી. તે સમયે એમ પણ કહેવામાં આવ્યું હતું કે વિનેશ ફોગાટ જ્યાં સુધી આ વાત પર પોતાનું સ્પષ્ટીકરણ ન આપે ત્યાં સુધી ભારતીય કુસ્તી મહાસંઘ આ બાબતે અંતિમ નિર્ણય ન લે, ત્યાં સુધી તેઓ કોઈ પણ નેશનલ અથવા ડોમેસ્ટિક ઈવેન્ટમાં ભાગ નહીં લઈ શકે.

આ પૂરા કિસ્સા પર ભારતીય કુસ્તી મહાસંઘને ઓલિમ્પિક ઈન્ડિયન એસોસિયેશન તરફથી ઠપકાનો સામનો કરવો પડ્યો હતો કે તે તેના ખેલાડીઓને કેમ કંટ્રોલમાં નથી રાખી શકતું.

હવે સીધા ૧૮ જાન્યુઆરી, ૨૦૨૩ પર આવીએ. દિલ્લીના ઐતિહાસિક જંતરમંતર પર બુધવારના રોજ ભારતના ઘણા બધા જાણીતા પહેલવાન એકઠા થયા અને તેમણે ભારતીય કુસ્તી મહાસંઘના અધ્યક્ષ બૃજભૂષણ શરણસિંહ વિરુદ્ધ મોરચો ખોલી દીધો. ધરણા પર બેઠેલા ખેલાડીમાં બજરંગ પુનિયા, વિનેશ ફોગાટ અને સાક્ષી મલિક સહિત બીજા ૩૦ જાણીતા પહેલવાન સામેલ હતા.

તંદુરસ્ત શરીર અને દૃઢ મનોબળની માલકણ ૨૮ વર્ષની વિનેશ ફોગાટ હરિયાણાની મહિલા પહેલવાન છે. બાળપણમાં તેના પિતા રાજપાલસિંહ ફોગાટનો સ્વર્ગવાસ થઈ ગયો હતો. પછી મા પ્રેમલતા ફોગાટે તેમનો ઉછેર કર્યો હતો.

૫ ફૂટ, ૩ ઈચ કદની વિનેશ ફોગાટે વર્ષ ૨૦૧૪ માં યોજાયેલી કોમનવેલ્થ ગેમમાં કુસ્તીના ૪૮ કિલોગ્રામ વેઈટગ્રૂપમાં અને વર્ષ ૨૦૧૮ ની કોમનવેલ્થ ગેમમાં ૫૦ કિલોગ્રામ વેઈટગ્રૂપમાં ગોલ્ડ મેડલ પોતાના નામે કર્યો હતો.