പാടിപ്പറന്ന്...

‘സഖാവി'ലൂടെ സംഗീതലോകത്തേക്ക് പറന്നുവന്ന ആര്യ ദയാൽ, അമിതാഭ് ബച്ചന്റെ ട്വീറ്റിലൂടെ ജീവിതം മാറിമറിഞ്ഞ കഥ പറയുന്നു

- രേഖ നമ്പ്യാർ

ഒരു വൈകുന്നേരം കോളേജിൽ നിന്നും വീട്ടിലെത്തിയ ആര്യ ഒന്നു  ണ്ടും പറഞ്ഞ് അമ്മയോട് വഴക്കിട്ടു. ആ ദേഷ്യത്തിൽ അവൾ മുറിയിൽ കതകടച്ചിരുന്നു. ശോകമൂകമായ ആ മൂഡൊന്നു മാറ്റാൻ കൂട്ടുകാർ അയച്ചുതന്ന കവിതകളെടുത്ത് ആര്യ മറിച്ചുനോക്കി. ഫോണിൽ അയച്ചുകിട്ടിയ വോയിസുകളും കേട്ടു. അതിലൊന്നിൽ അവളുടെ മനസ്സുടക്കി. സഖാവ്. ആര്യ പതിയെ കവിത പാടി റെക്കോഡ് ചെയ്തു. ആലോചിക്കാൻ പോലും നിൽക്കാതെ ഫേസ്ബുക്ക് പേജിൽ അപ്ലോഡ് ചെയ്യുകയും ചെയ്തു. നിമിഷനേരത്തിനുള്ളിൽ "സഖാവ് സോഷ്യൽ മീഡിയയിൽ വൈറലായി. അടച്ചിട്ട മുറിയിലിരുന്ന് സ്വരശുദ്ധിയോടെ പാടിയ ഡിഗ്രി വിദ്യാർഥിനി ആര്യ ദയാലിന്റെ ഫോളോവേഴ്സും കുത്തനെ ഉയർന്നു.

പിന്നീട് ചെറിയ ചെറിയ മ്യൂസിക് വീഡിയോകൾ ചെയ്ത് ആര്യ സംഗീതലോകത്ത് പിച്ചവെച്ചു തുടങ്ങി. അതിനിടയിൽ ആര്യ ദയാലെന്ന പാട്ടുകാരിയെ പ്രശംസിച്ച് സാക്ഷാൽ അമിതാഭ് ബച്ചൻ തന്നെ രംഗത്തെത്തി. കോവിഡ് കാലത്ത് തന്റെ ആശുപത്രി ജീവിതത്തെ പ്രകാശപൂരിതമാക്കിയ സംഗീതമെന്നാണ് ഉക്കുലേല പിടിച്ച് പാട്ടു പാടിയ ആര്യദയാലിനെക്കുറിച്ച് അമിതാഭ് ബച്ചൻ പറഞ്ഞത്. ബിഗ് ബി പങ്കുവെച്ച ഈ ട്വീറ്റ് ആര്യയെ വീണ്ടും വൈറലാക്കി. “എന്നെ ഇപ്പോഴും ആളുകൾ തിരിച്ചറിയുന്നത് "സഖാവി'ലൂടെയാണ്. എന്നാൽ ആ പാട്ട് പാടിയതുകൊണ്ട് സ്വന്തമായി സമ്പാദിക്കാനുള്ള പ്രാപ്തിയോ സ്ഥിതിയോ എനിക്കുണ്ടായിട്ടില്ല. അമിതാഭ് ബച്ചൻ സാറിന്റെ ട്വീറ്റിന് ശേഷമാണ് കൂടുതൽ ആളുകൾ എന്നെ തിരിച്ചറിഞ്ഞുതുടങ്ങിയത്. എനിക്ക് അവസരങ്ങളേറെ കിട്ടിയതും അതോടെയാണ്. ഇപ്പോൾ ഞാനൊരു സംഗീതജ്ഞയാണന്ന് സ്വയം പരിചയപ്പെടുത്താൻ തുടങ്ങി.” ഇൻസ്റ്റാഗ്രാമിൽ കുറച്ച് നിമിഷങ്ങൾക്കു മുമ്പ് പോസ്റ്റ് ചെയ്ത കഭി കഭി അദിതി സിന്ദഗീ റീൽസിന്റെ റീച്ച് കൂടി വരുന്നതു കണ്ട ആവേശത്തിൽ ആര്യ സംസാരിച്ചു തുടങ്ങി.

പാടിത്തുടങ്ങിയ കുട്ടിക്കാലം