ചുമ്മാ നിന്നാ ഭാഗ്യം വരില്ല

അടങ്ങാത്ത ആഗ്രഹത്തിന് വേണ്ടി പ്രയത്നിക്കുമ്പോൾ പ്രപഞ്ചം കൂടെ നിൽക്കും... ആ യാത്ര നടൻ സൂരജ് സൺ പറയുന്നു

- മിദിലാജ് റഷീദ്

കടുത്ത അഭിനയമോഹം ഉള്ളിലിട്ട്, ഫോട്ടോഗ്രാ ഫർ ആയി ജോലി ചെയ്യുകയായിരുന്നു സൂരജ് സൺ, പിന്നീട് അവിചാരിതമായി സീരിയലിൽ എത്തുന്നു. പാടാത്ത പൈങ്കിളി എന്ന സീരിയലിലെ കുറഞ്ഞ കാലത്തെ അഭിനയം സൂരജിനെ ജനപ്രിയനാക്കി. ഇപ്പോൾ സൂരജ് സൺ നായകനാകുന്ന മൂന്നു ചിത്ര ങ്ങാണ് പ്രേക്ഷകരിലേക്കെത്താൻ പോകുന്നത്. അട ങ്ങാത്ത ആഗ്രഹത്തിന് വേണ്ടി പ്രയത്നിക്കുമ്പോൾ പ്രപഞ്ചം കൂടെ നിൽക്കുന്നത് എങ്ങനെയെന്ന് നടൻ സൂരജ് സൺ പറയുന്നു.

കണ്ണൂരിലെ ഒരു ഗ്രാമത്തിൽ മോഡലിംഗിലേക്കും സീരിയലിലേക്കും സിനിമയിലേക്കും. ആ യാത്ര എങ്ങനെയായിരുന്നു?

ഞാൻ ഫോട്ടോഗ്രാഫർ ആയി വർക്ക് ചെയ്യുകയാ യിരുന്നു. സിനിമയോടുള്ള ആഗ്രഹം പണ്ട് മുതലേ ഉണ്ടായിരുന്നത് കൊണ്ട് ഒരു ഷോർട് ഫിലിമിൽ അഭിനയിച്ചു. ഒരു ആഡ് ഷൂട്ട് നടക്കുന്നതിനിടയിൽ അംബിക മോഹൻ ചേച്ചിയെ പരിചയപ്പെട്ടതാണ് വഴിതിരിവായത്. ചേച്ചിയാണ് ഏഷ്യാനെറ്റിലെ സീരിയലിലേക്ക് നായക വേഷം ഇണ്ട്, അഭിനയിക്കണം എന്ന് പറയുന്നത്. ചേച്ചിയോട് നോ പറയാൻ പറ്റില്ല. പിന്നെ സീരിയൽ വഴി ബന്ധങ്ങളിണ്ടാക്കാം, അത് വഴി സിനിമയിൽ എത്താൻ പറ്റിയേക്കാം എന്നൊക്കെ പ്രതീക്ഷിച്ചാണ് സീരിയലിൽ എത്തുന്നത്. പക്ഷെ സീരിയലിൽ എത്തി ഒരു വർഷം തികയുമ്പോഴേക്കും എനിക്കൊരു ആക്സിഡന്റ് സംഭവിക്കുകയും ഒരു വർഷത്തോളം അഭിനയത്തിൽ നിന്ന് മാറി നിൽക്കേണ്ടീം വന്നു.

വിനീതേട്ടന്റെ ഹൃദയം സിനിമയിൽ ജൂനിയർ ആർടിസ്റ്റ് ആയി വേഷമിട്ടിരുന്നു. പിന്നീടാണ് ആറാട്ടുമുണ്ടൻ എന്ന സിനിമയിൽ നായകനായി അഭിനയിക്കുന്നത്. അതിന്റെ ബ്രേക്ക് ടൈമിൽ ആണ് പ്രൈസ് ഒഫ് പൊലീസ് എന്ന ചിത്രത്തിൽ അഭിനയിക്കുന്നത്. അതിൽ ഒരു പോലീസ് ഓഫിസറുടെ വേഷമായിരുന്നു. ഈ ചിത്രത്തിൽ അഭിനയിക്കുന്നതിനിടയിലാണ് ഷാജൂൺ കാര്യാൽ സാറിന്റെ മൃദു ഭാവേ ദൃഢ കൃ എന്ന സിനിമയിലേക്ക് കോൾ വരുന്നത്. അതൊരു ബിഗ് ബഡ്ജറ്റ് ചിത്രമാണ്. അതിലെ നായക വേഷം പൂർത്തിയാക്കിയതിന് ശേഷമാണ് ആവണി എന്ന ചിത്രത്തിൽ നായക വേഷം തേടിയെത്തിയത്. അതും ഇപ്പോൾ പൂർത്തിയാക്കി.

അഭിനയമോഹം തുടങ്ങിയത് എപ്പോഴാണ്?