അയ്യർ ഇൻ അറേബ്യ

ഒരു നീണ്ട ഇടവേളക്കു ശേഷം മുകേഷും ഉർവശിയും ഒന്നിക്കുന്ന ഒരു മുഴുനീള കോമഡി എന്റർടൈനർ ചിത്രമാണ് അയ്യർ ഇൻ അറേബ്യ,

ശ്രീനിവാസ് അയ്യർ. എ ജി എസ് ഓഫീസിലെ ഉദ്യോഗസ്ഥനാണ്. തിരുവനന്തപുരം വിട്ട് അയ്യർ വേറെ എവിടെയും പോയിട്ടില്ല. അയ്യരുടെ ഭാര്യ ഝാൻസി റാണി ഹിസ്റ്ററി പ്രൊഫസ്സറാണ്. ഹിസ്റ്ററി ഗവേഷകനായ ശങ്കുണ്ണി നായരുടെ മകൾ കൂടിയാണ്. അവരൊരു ഏതീസ്റ്റ് ആണ് .ശങ്കുണ്ണി നായരും ഏതീസ്റ്റ് ആയതുകൊണ്ടാണ് മകൾക്ക് ഝാൻസി റാണി എന്ന ചരിത്ര വനിതയുടെ പേര് നല്കിയത്. പ്രണയിച്ചു വിവാഹം കഴിച്ചവരാണ് അയ്യരും ഝാൻസിയും, കുറെ വർഷങ്ങൾക്ക് ശേഷം വോളണ്ടറി റിട്ടയർമെന്റ് എടുത്ത് ശ്രീനിവാസ് അയ്യർ തന്റെ ജീവിതം പാരമ്പര്യ രീതിയിലേക്ക് തിരിച്ചു കൊണ്ടു വരുന്നു. എന്ന് വെച്ചാൽ കുറച്ചു കൂടി പഴയ ആചാര വിശ്വാസങ്ങൾക്കനുസരിച്ച് കാര്യങ്ങൾ കൈകാര്യം ചെയ്ത് ജീവിക്കുന്നു. അതൊടെ മകൻ രാഹുലിനോട് കൂടുതൽ പൊസസ്സീവ്നെസ്സ് ആവുന്നു. വോളണ്ടറി റിട്ടയർമെന്റ് എടുത്തതോടെ അയ്യർക്ക് പിന്നീട് ഒന്നും ചെയ്യാനില്ലാത്ത അവസ്ഥയായി. അപ്പോൾ തന്റെ ആഗ്രഹങ്ങൾ മകനിലേക്ക് അടിച്ചേൽപ്പിക്കാൻ ശ്രമിക്കുന്നു. മകനെ സംബന്ധിച്ചിടത്തോളം അയാൾക്ക് ഒരുപാട് സ്റ്റാർട്ട് അപ്പ് ബിസിനസ്സൊക്കെ നടത്തി ദുബായിക്ക് പോകാൻ ഒരുങ്ങുകയാണ്.

അയാളുടെ സുഹൃത്തുക്കളൊക്കെ ദുബായിലാണ്. മകൻ സ്വന്തം സംസ്കാരം,ആചാരം എല്ലാം ഉപേ ക്ഷിച്ച് മറ്റൊരു രാജ്യത്തേക്ക് പോകുന്നു എന്നത് അയ്യർക്ക് സഹിക്കാൻ പറ്റുന്നതായിരുന്നില്ല.