കയ്യിലൊതുങ്ങും കാക്ടസുകൾ

കള്ളിച്ചെടി ഇനങ്ങൾക്ക് മികച്ച ഡിമാൻഡ്

ഒതുങ്ങി വളരുന്ന സക്കുലന്റ്, കാക്ടസ്(കള്ളിച്ചെടി)ഇനങ്ങൾക്കിന്ന് ഇൻഡോർ ഗാർഡനിങ്ങിൽ വലിയ പ്രാധാന്യമുണ്ട്. പൂന്തോട്ടത്തിൽ നല്ല വെയിലുള്ളിടത്ത് നല്ല വലുപ്പത്തിൽ വളർന്നുനിന്നിരുന്ന പരമ്പരാഗത സക്കുലന്റ്, കാക്ടസ് ഇനങ്ങളിൽ നിന്ന് അഴകിലും ആകൃതിയിലും അമ്പേ വ്യത്യസ്തമാണ് അകത്തളത്തിലേക്കു വരുന്ന മിനിയേച്ചർ ഇനങ്ങൾ. ഇവയിൽ സ്നേക്ക് പ്ലാന്റ് പോലുള്ളവയ്ക്ക് അന്തരീക്ഷവായു ശുദ്ധീകരിക്കാനുള്ള കഴിവുമുള്ളതിനാൽ ഡിമാൻഡ് ഏറെയാണെന്ന് ഉദ്യാനസംരംഭകയായ മലപ്പുറം തിരൂർ താഴേപ്പാലത്തുള്ള നിഷ സിറാജ്.