കടൽ കടക്കുന്നു അരുമകളാകാൻ

കേരളത്തിലെ നാടൻനായ്ക്കൾ അമേരിക്കയിലെയും ഫ്രാൻസിലെയും സെർബിയയിലെയും ഓമനകൾ

- ഐബിൻ കാണ്ടാവനം

അമേരിക്കയിലെ ഷിക്കാഗോയിലെ മഞ്ഞുപുതച്ച വീഥിയിൽ ഭക്തി എന്ന കുഞ്ഞൻ നായ കളിച്ചുല്ലസിക്കുമ്പോൾ ഇങ്ങു കേരളത്തിൽ കരുനാഗപ്പള്ളിയിലെ ഹരിയുടെ മനസ്സു നിറയും. ഹരിയുടെ പക്കൽനിന്ന് അമേരിക്കക്കാരി കെല്ലി ദത്തെടുത്ത നായ്ക്കുട്ടിയാണ് ഭക്തി. നമ്മൾ വിദേശയിനം നായ്ക്കളെ അരുമകളാക്കുമ്പോൾ ഇവിടെ നിന്നു കടൽ കടക്കുകയാണ് നാടൻ നായ്ക്കൾ. തെരുവിൽ അലഞ്ഞു നടക്കേണ്ടിയിരുന്ന ഭക്തിയുടെ ജീവിതം ഇപ്പോൾ രാജകീയമാണ്. അതിന് താനൊരു നിമിത്തമായതിന്റെ സന്തോഷത്തിലാണ് ഹരി പൂവങ്കൽ.